گه‌ماڕۆکانی ئه‌مریکا له‌ دژی ئێران بڕێاریکی زۆر هه‌ڵه‌یه‌

وه‌زیری ده‌ره‌وه‌ی تورکیا جه‌ختی کرد که‌ گه‌ماڕۆکانی ئه‌مریکا له‌ دژی ئێران بڕیارێکی زۆر هه‌ڵه‌یه‌ و ڕه‌خنه‌ی توندی له‌ کرداری ئیسڕائیل له‌ دژی فه‌له‌ستینییه‌کان گرت.

به ڕاپۆرتی ئاژانسی مێهر له‌ ئه‌لنه‌شره‌، مه‌لود چاوش ئۆغڵو وه‌زیری ده‌ره‌وه‌ی تورکیا وتی: گه‌ماڕۆکانی ئه‌مریکا له‌ دژی ئێران بڕێاریکی زۆر هه‌ڵه‌یه‌ و وڵاتانی ئه‌ورووپایش له‌مباره‌وه‌ هاوڕێی تورکیان.

ئه‌و زیادی کرد: گه‌ماڕۆکانی ئه‌مریکا له دژی ئێران کاریگه‌ری له‌ سه‌ر تورکیاش ده‌بێت و ئه‌نقه‌ره‌ زۆر به‌ جدی هه‌وڵ ده‌دات که‌ واشنتۆن ده‌ست له‌م بڕیاره‌ هه‌ڵه‌ هه‌ڵبگرێت. وڵاتانی ئه‌ورووپایی هه‌وڵ ده‌ده‌ن تاکوو جێگره‌وه‌یه‌ک بۆ ئه‌م گه‌ماڕۆیانه‌ بدۆزنه‌وه‌ و گه‌ماڕۆکان بشکێنن و زیانی که‌متریان هه‌بێت.

وه‌زیری ده‌ره‌وه‌ی تورکیا وتی: تورکیا هه‌میشه‌ له‌ دوای ئه‌وه‌ بووه‌ که‌ په‌یوه‌ندی باشی ئابووری له‌گه‌ڵ وڵاتانی دیکه‌ هه‌بێت، ته‌نانه‌ت ئه‌و وڵاتانه‌ی که‌ په‌یوه‌ندی سیاسی باشیان له‌گه‌ڵ تورکیا نییه‌.

ئه‌و ئاماژه‌ی دا: ئه‌نقه‌ره‌ ناڕازییه‌ له‌ کرداره‌کانی زایۆنییه‌کان له‌ دژی فه‌له‌ستینییه‌کان و ئێمه‌ بێ ده‌نگ نابین له‌و کارانه‌ی تلاڤیڤ له‌ فه‌له‌ستینی داگیرکراو ئه‌نجامی ده‌دات. تورکیا به‌رده‌وام ده‌بێت له‌ پشتیوانی کردنی فه‌له‌ستینییه‌کان له‌ ڕێگه‌ی ڕێکخراوه‌ جیهانییه‌کان به‌ تایبه‌ت ئه‌نجومه‌نی ئاسایش.

News Code 25345

نیشانەکان

بۆچوونی ئێوە

You are replying to: .
  • 4 + 1 =