هه‌ولێر و به‌غدا له‌ سه‌ر نه‌وتی که‌رکووک ڕێککه‌وتن

هه‌نارده‌كردنی نه‌وتی كه‌ركووك له‌ ڕێگای توركیاوه‌ بۆ بازاڕه‌كانی جیهان دوای نزیكه‌ی یه‌ك ساڵ له‌ راوه‌ستان ده‌ستی پێكرده‌وه‌.

به‌ ڕاپۆرتی ئاژانسی هه‌واڵی مێهر، وته‌بێژی وه‌زاره‌تی نه‌وتی عێراق، عاسم جیهاد به‌ په‌یامنێ‌ری ئاژانسی ئانادۆڵوی راگه‌یاند: "رۆژانه ده‌ستكراوه‌ته‌وه‌ به‌ هه‌نارده‌كردنی‌ نزیكه‌ی ٥٠ بۆ ١٠٠ هەزار به‌رمیل نه‌وت له‌ كه‌ركووكه‌وه‌ بۆ به‌نده‌ری جیهان".

جیهاد تیشكی خسته‌ سه‌ر ئه‌وه‌ی كه‌ نه‌وته‌كه‌ له‌لایه‌ن كۆمپانیای نه‌وتی نیشتیمانی عێراق (سۆمۆ)ه‌ و له‌ رێگای بۆڕی نه‌وتی حكوومه‌تی هه‌رێمی كوردستان هه‌نارده‌ی توركیا ده‌كرێت.

نزیكه‌ی ماوه‌ی سێ ساڵ كه‌ركووك و كێڵگه‌ نه‌وتییه‌كانی له‌ ژێر كۆنتڕۆڵی حكوومه‌تی هه‌رێمی كوردستاندا مانه‌وه‌. دوای گشتپرسییه‌كه‌ی حكوومه‌تی هه‌رێم بۆ سه‌ربه‌خۆیی له‌ ٢٥ی ئه‌یلوولی ٢٠١٧ هێزه‌ هاوبه‌شه‌كانی حكوومه‌تی فیدڕاڵی عێراق ئۆپه‌راسیۆنی بۆ سه‌ر كه‌ركووك و ناوچه‌ كێشه‌ له‌سه‌ره‌كان ئه‌نجام دا.

دوای كۆنتڕۆڵكردنه‌وه‌ی ئه‌م ناوچانه‌ له‌لایه‌ن حكوومه‌تی فیدڕاڵییه‌وه‌ حكوومه‌تی هه‌رێمی كوردستان ره‌وانه‌كردنی نه‌وتی كه‌ركووكی له‌ رێگای بۆڕیه‌ نه‌وته‌كه‌یه‌وه‌ بۆ به‌نده‌ری جیهان راگرت.

News Code 23077

نیشانەکان

بۆچوونی ئێوە

You are replying to: .
  • 3 + 15 =