بە ڕاپۆرتی ئاژانسی هەواڵی مێهر، لە پەیامێکدا بە بۆنەی "کۆنفرانسی نەتەوەیی ژنانی کورد"، مەسعوود پزشکیان، سەرۆک کۆماری ئێران، جەختی لە سەر پێویستی پاراستنی پێگەی ژنانی کورد لە مێژوو و فەرهەنگی ئێران کردەوە.
ڕۆڵی ئەوانی لە پاراستنی میراتی فەرهەنگی، پتەوکردنی ڕەگ و ڕیشەی بنەماڵە، پەروەردەکردنی نەوەکانی داهاتوو، و بەشداریکردن لە بوارەکانی فیداکاری و پەرۆشی بە نرخ وەسف کرد .
وتیشی: داننان و ناساندنی پێگە و وێنەی ژنانی کورد هەنگاوێکە بۆ پاراستنی پێگەی ژن و ناسینی بەشێک لە مێژوو و کولتوور و ناسنامەی ئێرانی خۆشەویستمان؛ ئەو ژنانەی کە بە درێژایی مێژوو، جگە لە پاراستنی میراتی کولتووری و پتەوکردنی بناغەی بنەماڵە و پەروەردەکردنی نەوەکانی داهاتوو، لە بوارە زانستی و ڕۆشنبیری و کۆمەڵایەتییەکان، بەتایبەتی لە بوارەکانی قوربانیدان و پەرۆشیدا ڕۆڵیان هەبووە و میراتێکی بەردەوامیان لە دوای خۆیان بەجێهێشتووە.
جەختیشی کرد: ژنی کورد بەشێکی دانەبڕاوە لە یادەوەری مێژوویی و سەرمایەی کۆمەڵایەتی ئێران. داننان بە ژیان و ئەزموون و دەستکەوتەکانیان، جگە لە قووڵکردنەوەی تێگەیشتنمان لە مێژوو و فەرهەنگی ئەم خاکە، یارمەتیدەرە بۆ بەهێزکردنی هاوپشتی نەتەوەیی و پاراستنی پەیوەندییە کولتووری و کۆمەڵایەتییەکانی ئێرانییەکان.
بۆ من کە لە شاری کوردنشینی مەهاباد لەدایک بووم و بە چاوی خۆم شاهیدی فیداکاری و کۆڵنەدانی ژنانی ئەم ناوچەیە بووم لە سەردەمی بەرگریی پیرۆزدا، داننان بە ڕۆڵی ئەوان تەنیا گێڕانەوەی بەشێک لە مێژوو نییە، بەڵکوو بیرهێنانەوەی دەرکەوتە بەردەوامەکانی قوربانیدان و کۆڵنەدانی ئەو ژنانەیە کە لە سەختترین ڕۆژەکانی شەڕی سەپێنراودا، ڕۆڵێکی کاریگەر و کۆڵنەدانیان بینی ڕۆڵی بوێرانە لە بەرگریکردن لە نیشتمان، جگە لە بەرپرسیارێتی جددی پاراستنی بناغەی خێزان و پەروەردەکردنی منداڵان.
Your Comment