بە ڕاپۆرتی ئاژانسی هەواڵی مێهر، ئیسماعیل بەقایی وتەبێژی وەزارەتی دەرەوەی ئێران سەبارەت بە ڕەوتی هاوئاهەنگی بۆ ئەنجامی دانوستان لە نێوان ئێران و ئەمریکا بە گوێرەی فەرمانی سەرۆک کۆمار، وتی: پلانەکان بۆ ئەنجامی دانوستان لە چەند ڕۆژی داهاتوو ئەنجام دراوە و ڕاوێژەکان بۆ دیاری کردنی شوێنی گفتوگۆکانیش خەریکە دەچێتە پێشەوە و کە یەکلایی بووەوە ڕاگەیاندنی بۆ دەکرێت.
بەقایی بە دەسخۆشی لە هەموو وڵاتانی دۆست کە بە نیازپاکی و نیگەرانیەوە، هەوڵی خۆیان بۆ خۆش کردنی بەستێنی ڕەوتی دانوستانەکان خستە گەڕ، وتی: لە بنەڕەتدا دیاری کردنی شوێن و کاتی دانوستانەکان پرسێکی پێچراو نییە و نابێت ببێتە یاریی مێدیایی؛ هەم تورکیا و هەم عومان و هەم هەندێک وڵاتی دیکەش ئامادەیی خۆیان بۆ میوانداری لە گفتوگۆکان ڕاگەیاندووە کە ئەوە بۆ ئێمە زۆر جێگای بایەخە.
Your Comment