هۆشدارییەکی جیهانی: لێکەوتە ناوچەییەکانی هێرش بۆ سەر ئێران کۆنترۆڵ ناکرێت

بە ڕاپۆرتی ئاژانسی هەواڵی مێهر لە ئەلمەعلوومە، عەلی حەمیە کارناسی کاروباری سەربازی و ستراتیژیک جەختی کرد کە هێرش بۆ سەر ئێران هەرگیز بێ وەڵامی ڕووخێنەر و بەهێز نامێنێتەوە.

ناوبراو زیادی کرد: ئێران زانیاری وردی سەبارەت بە گۆڕانکاریەکان و جموجوڵی کەشتیە ئەمریکیەکان لە ناوچەکە هەیە و ئامادەیە کە لە توانی خۆی بۆ بەرەنگار بوونەوەی هێرشی ڕاستەوخۆ کەڵکوەربگرێت.

حەمیە وتیشی: وەڵامی ئێران هەرگیز ڕواڵەتی و سیمبولیک نابێت بەڵکوو بە پێی ئاستی ئەو هێرشە ئەنجام دەدرێت.

ناوبراو وتیشی: هەڕەشەکانی ئەمریکا سەبارەت بە هێرش بۆ سەر ئێران لە چوارچێوەی سیاسەتی ئەوپەڕی گوشار لە سەر تارانە وسەپاندنی خواستە سیاسی و ئەمنیەکانی واشنتۆن دێتە ئاراوە. ئەمریکا بەدوای قەرەبوو کردنەوەی کەم بوونەوەی دزەی ناوچەیی خۆی لە ڕێگای چڕ کردنەوەی ئاڵۆزی مێدیایی و سەربازیە. ئەمە لە حاڵێکدایە کە ئەو وڵاتە بەرەوڕووی قەیرانی ناوخۆیی قووڵە. دۆخی ناوخۆیی ئیسرائیلیش باش نییە و درزی کۆمەڵایەتی و سیاسی خەریکە قووڵ دەبێتەوە. ئاڵۆزی ناوخۆیی لە ئەمریکا و ئیسرائیل زۆر زیاتر لە گۆڕانکاریە ناوخۆییەکانی ئێرانە؛ ئێرانێک بە هەموو توانەوە قەیرانەکان بەڕێوە دەبات. لێکەوتە ناوچەییەکانی هەر جۆرە هەوڵێکی سەربازی لەوانەیە لە کۆنترۆڵ دەربچێت.