کەتائیبی حزبوڵڵای عێراق: ئەمریکا هێرش بکات، لە پشتی ئێران دەبین

بە ڕاپۆرتی ئاژانسی هەواڵی مێهر بە گێڕانەوە لە "المعلومه"، ئەبوو حسێن حەمیداوی، ئەمینداری گشتیی کەتائیبی حزبوڵڵای عێراق لە کاردانەوە بە هەڕەشەکانی ئەمریکا بۆ هێرش‌کردنە سەر ئێران، ڕایگەیاند: بەرەی بەرخۆدان لە بەرامبەر هەر جۆرە دەستدرێژییەک، لە پشتی کۆماری ئیسلامی ئێران دەبێت و هوشدار دەدەین بە ئەمریکا کە شەڕ دژی ئێران گەمە و ئاسان نابێت، بەڵکوو ئاگرێک دەنێتەوە کە تێیدا هەموو بەرژەوەندییەکانی ئەمریکا تێدا دەچێت.

ڕاشیگەیاند: ئەوڕۆکە شایەدی لاپەڕەیەکی نوێ لە شەڕی نێوان دوو بەرەی حەق و باتڵ‌ـین و سەری بەرەی باتڵ خۆی بۆ کردنەئامانجی کۆماری ئیسلامی ئێران لە قەڵای پۆڵایینی ئیسلامی محەمەدی و سەرچاوەی سەرفەرازیی ئۆمەی ئیسلامییە، ئامادە کردووە، هەر بۆیە ئەرکی شەرعی و ئەخلاقیی جەنگاوەرانی ڕێگەی خودا ئەویە کە بە هەموو هێزەوە لە پشتی گەلی موسڵمان، بەڕێز، بەتاقەت و گەمارۆدراوەی ئێران بن، چونکە بەرگری لە هەرێمی کۆماری ئیسلامی، بەرگری لە پیرۆزییەکانی ئۆمەی ئیسلامییە.