بە ڕاپۆرتی ئاژانسی هەواڵی مێهر، ئەمیر سەرلەشکەر "ئەمیر حاتەمی" لە ڕیوڕەسمی کۆبوونەوەی بەڕێوەبەرانی بنیادی پاراستنی ئاسەوار و بڵاوکردنەوەی بەهاکانی بەرەڤانیی پیرۆز، وێڕای نرخاندنی ئەزموونی بەرگرانەی ئێران لە شەڕی 12 ڕۆژەدا، وتی: ئامادەکارییەکانی کە لە شەش مانگی ڕابردوو و پاش بەرگریی پیرۆزی 12 ڕۆژە کراوە، تەواو هاوسەنگە لەگەڵ ئەو جۆرە هەڕەشانە و ئێمە ئەوڕۆ بەنیسبەتی ڕۆژانی بەر لەو شەڕە زۆر بەتواناترین.
وتیشی: هەڕەشەی ڕژیمی زایۆنی دژی ئێرانی ئیسلامی، ڕاستەقینەیە، هەر بۆیە ئێمە ئەو هەڕەشەیەمان بە هەند وەرگرتووە و لە قەوارە و زەندەی خۆیدا، خۆمان بۆ ئامادە کردووە و ئێستا ئامادەی بەرەنگاربوونەوەی هەر هەڕەشەیەکی لەو چەشنەین.
فەرماندەی گشتیی ئەرتەشی ئێران هەروەها باسی لە شەڕی لێکراوانە بۆ تێکدانی ئاسایشی کۆمەڵگا کرد و زیادیشی کرد: دوژمن بە پلانێکی پێشترەوە، ناڕەزایەتییەکانی بە ئاراستەی بشێوی و چەکدارانەدا برد، بۆیە پێویستە ئێمەش هەنگاوێکی جیدیتر بۆ دوژمنناسی و پیلانەکانی هەڵبگرین.
Your Comment