بە ڕاپۆرتی ئاژانسی هەواڵی مێهر، بێهرووز کەماڵوەندی وتیشی: بەداخەوە هێرشی ستەمکارانە و نامرۆڤانەی ڕژیمی زایۆنی، زیانگەلێکی بە ناوەندە ئەتۆمییەکانی ئێمە گەیاندووە. ئەمە بابەتێکە کە بەردەوام لەبارەیەوە هەشدارمان داوەتە بەڕیوەبەری گشتیی ئاژانسی نێودەوڵەتی.
ناوبراو بە ئاماژە بەوەی کە ئەو نامانە لە لایەن ئاژانسەوە بێ‌وەڵام ماونەتەوە، جەختی کرد: ئەگەرچی ئێمە بە پێی پێشبینیی ئەو هەڕەشانە، هەنگاوی پێویستمان بۆ ئامادەکاری ئەنجام داوە، بەڵام بەداخەوە هێرشەکان زیانی بە هاووڵاتیانی بێ تاوان، فەرماندە سەربازییەکان و زانایانی ناڤۆکی گەیاندووە.
کەماڵوەندی هەروەها باسی لە سەردانی ناوەندی فۆردۆ لە سەر لەبەیانیی ئەوڕۆ کرد و زیادی کرد: بە خۆشحاڵییەوە هیچ زیانێک بەو ناوەندە نەگەیشتووە و سەبارەت بە ناوەندی نەتەنزیش، دامەزراوە ڕووکەشییەکە بە هۆی ئاگرکەوتنەوە زیانێکی کەمی پێگەیشتووە و دیارە هەر دوو دامەزراوەی نەتەنز و فۆردۆ لە قووڵایی زەویدان و هێرش بۆ سەر بنکەی شەهید ئەحمەدی‌رۆشن لە نەتەنز بریتی بووي لە هەڵمەتی مووشەکیی بەردەوام بە مەبەستی دزەکردنە ناو خود دامەزراوە سەرەکییەکەی نەتەنز.
Your Comment