بە ڕاپۆرتی ئاژانسی هەواڵی مێهر بە گێڕانەوە لە "روسیا الیوم"، عەتا فەرحات هەواڵنێری سووری لە ڕاپۆرتێکدا ئاشکرای کرد کە ڕژیمی زایۆنی دوای دەستدرێژیی بە سەر پارێزگاکانی قەنیترە و دەرعا لە ناو خاکی سووریا لە دیسامبێری ساڵی ڕابردووەوە، نزیک بە 10 بنکەی سەربازیی لە بەرزاییەکانی جەبەلولشەیخ تا هاوێری باشووری دەرعا کردۆتەوە.
فەرحات وتیشی: بەپێی وێنەگەلی مانگیلەیی، ڕژیمی زایۆنی خەریکی چێکردنی بنکەیەکی سەربازیی زۆر گەورە لە گوندی جیباتولخەشب لە نزیکیی سنووری ناوچەی پەیوەست بە ڕێککەوتنی 1974 ە و زایۆنییەکان بۆ ئەو مەبەستە ڕووبەرێکی بەرینی زەوینەکانی ناوچەی حەرەشیان خاپوور کردووە.
Your Comment