ئاژانسی هەواڵی مێهر، هونەرمەندی وێنەگر، شنە دژاگە لە گفتوگۆ لەگەڵ هەواڵنێری مێهر وتی: لە دایکبووی ساڵی 1363ی هەتاویم لە شاری مەهاباد و لە تەمەنی 18 ساڵییەوە لە شاری سەقز دەژیم.
وتیشی: چەند ساڵێکە خەریکی نیگارکێشانم، 12 ساڵە کاری وێنەگرتن دەکەم ، لە چەندین پێشانگای گرووپیدا بەشداریم کردووە.
شنە دژاگە زیاتر وتی: پێنج ساڵە لەگەڵ منداڵانی ئۆتیزم کاردەکەم بۆ زیاتر ناساندنی ئەم جۆرە نەخۆشییە.
ئەمە یەکەم پێشانگای تاکەکەسی هونەرمەند "شنە دژاگە"یە کە لە ئێستادا نمایش دەکرێت و 33 بەرهەمی لە پێشانگاکەدا هەیە.
ناونیشانی پێشانگاکە بریتییە لە پۆرترێت کە بە تەواوی بە ڕەنگی ڕەش و سپی ئەنجام دراوە.
ناوی پێشانگاکە (شنە و خەیاڵ)ە
و لە 5ی ڕەشەمە تا 11ی ڕەشەمە کراوە دەبێت.
Your Comment