بەدرەدین حەوسی: ئەمریکا و ئیسرائیل دوو ڕووی یەکترین

بە ڕاپۆرتی ئاژانسی هەواڵی مێهر بە گێڕانەوە لە "المسیرە"، عەبدولمەلەک بەدرەدین حوسی، سەرکردەی ئەنساروڵڵای یەمەن، وێڕای ئاماژە بە هەڵاتنی چەکدارانی دەریایی ئەمریکا لە سەنعا وەک نێعمەتێکی خوداوەندی، وتی: هەڵاتنی ئەوان هێمای شکستی پڕۆژەی ئەمریکا لە زاڵبوونی یەکجاریی بە سەر وڵاتی یەمەن و هەموو پاشهاتەکانی دواتری بوو.

وتیشی: هیچ گەلێک لە جیهاندا ناتوانێ ئازاد بێت، لە کاتێکدا کە ئەمریکا بە سەر هەموو کاروبارەکاندا زاڵە؛ هیچ گەلێکی موسڵمانان ناتوانێت سەرفەرازیی لەسای هێژمۆنی و دەستێوەردانەکانی ئەمریکا لە ڕاهێنان و هەوڵەکانیاندا بپارێزێت.

سەرکردەی بزووتنەوەی ئەنساروڵڵای یەمەن لە درێژەدا بە ئاماژە بە پیلانی جەنجاڵیی سەرۆک کۆماری ئەمریکا بۆ داهاتووی غەزە، جەختی کرد: ئەمریکا هەمبەر بە وڵاتانی دیکە بەتەماحە و لە قۆناغی یەکەمدا بەدوای سەرمایە و سامان و بەرژەوەندییەکانی وڵاتانی ترە و لێدوانەکانی ترامپ ڕەنگدانەوەی ئەو هەڵوێستەیە. کەواتە پیلانی ئەمریکایی-زایۆنیی پڕۆژەیەکی تێکدەرانە و دەستدرێژکارانەیە کە ئۆمەی ئێمەی کردۆتە ئامانج و بەدوای داگیرکردنی بەشێکی زۆری نیشتمانی موسڵمانانە و نە تەنیا مزگەوتی ئەقسا، بەڵکوو مەکە و مەدینەش بەشێکن لەو پڕۆژەی زایۆنییەکان کە بڕیارە قۆناغ بەقۆناغ ئەنجام بدرێت.