بە ڕاپۆرتی ئاژانسی هەواڵی مێهر، مەسعوود پزشکیان لە درێژەی بەرنامەکانی سەفەرکەی لە عێڕاق، لە دیداری ئێرانییەکانی دانیشتووی ئەو وڵاتە بە وتنی ئەوەی کە لە ئەو سەفەرەدا بەدوای چارەسەری کێشەکانی بەردەم ژیان و چالاکی ئێرانییەکان لە عێڕاقین، وتی: پێم وایە ئەگەر ڕێگایەک کە ئیمامەکانمان پێمانیان ناساندووە، بپێوین، ئەمڕۆ دۆزمان لە ناوخۆی وڵات و ناوچەکە جیاواز بوو؛ ئەگەر یەکدەستیش بوایەین ئیسرائیل نەیدەوێرا ئاوەها سەربزێوییەک بکات.
سەرۆک کۆمار زیادی کرد: ئەمڕۆ ستەمکاران چاوەڕوانن تا لە وڵاتانی ئیسلامی لەگەڵ کەسێک بەرەوڕوو ببینەوە تا پاگەندەی مافی مرۆڤیان گوێی فەلەک کەڕ بکات، بەڵام لە بەرانبەردا چاو و گوێی خۆیان هەمبەر جەنایەتەکانی ئیسرائیل نووقاندووە و ئەگەر فەلەستینییەکان لە خۆ بەرگری بکەن بە تیرۆریست ناویان لێدەبەن.
ناوبراو وتی:ئەگەر ئەو پارەیەی بۆ چێ کردنی بۆمن و جیهازاتی کوشتوبڕ بەکار دێت بۆ چارەسەری کێشەکان خەرج بکردرا، ئەمڕۆ هیچ کێشەیەک لە جیهاندا نەبوو.
دکتۆر پزشكیان بە جەخت لەسەر ئەوەی کە لە ئیسلامدا تەقوا و کردەوەی چاک پێوەرە، وتی: ئەبێ بەدوای بەدەسەڵات گەییشتنی دۆستان و کەسانێک نزیک لە خۆمان بین، بەدوای ئەوەوە بین کە توانانترین کەسەکان بێنە سەر دەسەڵات.
Your Comment