بەیانی باش سەرۆک کۆمار

بە پێی ڕاپۆرتر ئاژانسی هەواڵی مێهر،

دوێنێ هەینی 15ی پووشپەڕ، قۆناغی دووهەمی خولی چواردەهەمی هەڵبژاردنەکانی سەرۆک کۆماریی ئێران لە سەرانسەری وڵات و نوێنەرایەتییەکانی ئێران لە وڵاتانی جیاجیا لە کاتژمێر 8:00ی بەیانی دەستیپێکرد و تا کاتژمێر 24:00ی شەو بەردەوام بوو.

دوای بژاردنی دەنگەکان وەزارەتی ناوخۆ ڕایگەیاند کە دوکتۆر مەسعوود پزشکیان سەرکەوتووی هەڵبژاردنەکەیە.

کۆی گشتی دەنگە ژمێردراوەکان و کۆکراوە ٣٠ ملیۆن و ٥٣٠ هەزار و ١٥٧ دەنگە

دەنگی مەسعوود پزشکیان ١٦،٣٨٤،٤٠٣ دەنگە

دەنگەکانی سەعید جەلیلی ١٣٥٣٨١٧٩ دەنگە

ڕێژەی بەشداریکردن: 49.8

پزشکیان کێیە؟

مەسعوود پزشیکیان لە دایکبووی ٧ی ڕەزبەری ساڵی ١٣٣٣ی هەتاویە، پزیشک و سیاسەتمەداری ئێرانییە و لە ساڵی ١٣٨٧ەوە نوێنەری بازنەکانی هەڵبژاردنی تەورێز، ئازەرشار و ئێسکۆ لە مەجلیسی شۆرای ئیسلامی بووە.

هەروەها لە خولی دەیەمیندا وەک جێگری یەکەمی سەرۆکی مەجلیس هەڵبژێردرا. پێشتریش لە سەردەمی سەرۆک کۆماریی خاتەمیدا وەزیری تەندروستی و چارەسەر و پەروەردەی پزیشکی بووە.

پزشکیان لە دایکبووی مەهابادە و بە باشی کوردی قسە دەکات.