بە ڕاپۆرتی ئاژانسی هەواڵی مێهر، ئیسماعیل هەنیە سەرۆکی نووسینگەی سیاسی بزووتنەوەی حەماس کە بۆ بەشداری لە ڕێوڕەسمی بەڕێ کرانی سەرۆک کۆمار، وەزیری دەرەوە و هاوڕێکانیان هاتووەتە ئێران، لەگەڵ ڕێبەری ئێران دیداری کرد.
ڕێوڕەسمی بەڕێ کرانی سەرۆک کۆماری شەهید و هاوڕێکانی ئەمڕۆ بە شکۆوە لە پێتەختی ئێران بەڕێوە چوو و سەرەنجی مێدیا ناوچەیی و نێودەوڵەتییەکانی بەرەو لای خۆی ڕاکێشا.
ڕێبەری باڵای شۆڕشی ئیسلامی وتیان: بەڵێنی سڕینەوەی ڕژێمی زایۆنیستی بەدی دێت و بە فەزڵی خودا ڕۆژێک دێت کە فەلەستین لە "بەحر"ەوە تا "نەهر" دروست دەبێت.
ئایەتوڵڵا خامنەیی بە ئاماژە بە بەرخۆدانی خەڵکی غەززە کە جیهانی تووشی سەرسوڕمان کردووە، وتیان: کێ باوەڕی دەکرد ڕۆژێک دروشمی پشتگیری فەلەستین لە زانکۆکانی ئەمریکا بەرز بکرێتەوە و ئاڵای فەلەستین بەرز بکرێتەوە و کێ پێی وابوو ڕۆژێک لە ژاپۆن و لە خۆپیشاندانەکاندا لە پشتیوانی فەلەستین، دروشمی "مەرگ بۆ ئیسرائیل" بە زمانی فارسی بوترێتەوە.
جەختیشیان کردەوە: لە داهاتوودا ڕەنگە ڕووداوگەلێک لە دۆسیەی فەلەستین ڕوو بدەن کە ئەمڕۆ باوەڕپێنەکراون.
Your Comment