حکوومەتی عێراق بڕیاری دا بە کردنەوەی سنوورێکی نوێ لە نێوان ئێران و هەرێمی کوردستان

بە پێی راپۆرتی ئاژانسی هەواڵی مێهر، بەپێی نووسراوێك سەرۆك وەزیران و فەرماندەی گشتی هێزە چەكدارەكان رەزامەندی نیشانداوە لەسەر كردنەوەی مەرزی سازان لە سنووری پارێزگای هەڵەبجە لە نێوان هەرێمی كوردستان و ئێران.

ئاماژەی بەوەشكراوە، هۆكاری دەرچوونی بڕیارەكە دەگەڕێتەوە بۆ گرینگی مەرزەكە بۆ ئابووری پارێزگای هەڵەبجە لەرووی رەخساندنی هەلی كارو گەشەپێدانی شارەكەوە.