ئێران بوونی زایۆنییەکان لە دەوروبەری سنوورەکانی خۆی قبووڵ ناکات

وتەبێژی وەزارەتی دەرەوە وتی: ئێران بوونی رژیمی زایۆنی لە نزیکی سنوورەکانی خۆی قبووڵ ناکات و لەم بارەوە هەر کردەوەیەک کە بۆ پاراستنی ئاسایشی وڵات پێویست بێت، ئەنجامی دەدات.

بە پێی هەواڵی مێهر، سەعید خەتیب زادە وتەبێژی وەزارەتی دەرەوە لە کاردانەوە بە بابەتە بڵاوکراوەکانی سەرۆک کۆماری ئازەربایجان لە کەشی میدیاییدا، وتی: سەرەڕای پێوەندی باشی دوو وڵات و ڕێگاکانی ئاسایی پێوەندی دوو لایەن، وتەکانی سەرۆک کۆماری ئازەربایجان جێی سەرسووڕمانە.

ئەو وتیشی: کۆماری ئیسلامی ئێران دژایەتی خۆی لە گەڵ داگیرکردنی وڵاتان ڕاگەیاندووە و داکۆکی کردۆتە سەر ڕێزنان لە سنوورە ناسراوە نێونەتەوەییەکان. هەروەها چاوەڕوان دەکرێ دراوسێیەتی باش و ڕێزی دوو لایەنە لە لایەن هەموو دراوسێیەکانەوە لە بەرچاو بگیردرێت.

ناوبراو هەروەها داکۆکی کرد: ئەمە ڕوونە کە کۆماری ئیسلامی ئێران بوونی ڕژیمی زایۆنی لە نزیکی سنوورەکانی خۆی قبووڵ ناکات و لەم بارەوە هەر کردەوەیەک کە بۆ ئاسایشی نەتەوەیی پێویست بێت، بەڕێوەی دەبات.

News Code 39347

نیشانەکان

بۆچوونی ئێوە

You are replying to: .
  • 1 + 13 =