بە ڕاپۆرتی ئاژانسی هەواڵی مێهر، ئاهەنگەر نەژاد وێرای بڵاو کردنەوەی هەواڵی لەچاپدانی دووبارەی کتێبەکەی، زیادی کرد: یەکەم شێعرەکانی ئەو کتێبە لە ساڵانی دەیەی 90 ی هەتاوییەوە هۆنراوەتەوە و تا ساڵی 1395 ئەو کۆمەڵە شێعرە تەواو بوو. چاپی یەکەمی کتێبەکە لە ساڵی 1396 ی هەتاوی بڵاو کرایەوە و پێشوازی باشیشی لێ کرا.
قاڵبی شێعرەکانی خەونەکانی خانەقین، ئازادی فارسییە. روانینی زاڵ بەسەر بیرۆکەی کتێبەکە زیاتر مێژوویی و ئوستوورەییە.
ئەو کەسایەتییە شاعێر و ڕۆژنامەڤانە کرماشانییە وتیشی کە مامۆستا مەنسوور یاقووتی لە یادداشتێکدا سەبارەت بە ئەو کتیبە نووسیویە: کۆمەڵە شێعری خەونەکانی خانقین ئەزموونێکی سەرکەوتووی سوورڕئالیستی لە بواری مێژوو، شوناس، عەشق بە نیشتمانە.
مازیار نەزەربەیگی ڕەخنەگری ئەدەبیش لە سەر ئەو کتێبە نووسیویە: ئەو کۆمەڵە شێعرە لە ڕاستیدا شێعرێکی درێژە کە پارچە پارچە کراوەتەوە.
بۆچوونی ئێوە