هەنیە: شەڕی قودس بەردەوامە/ سەید حەسەن نەسروڵا: بەرخۆدان داهاتووی ناوچەکە

ڕێبەرانی بەرخۆدانی ئیسلامی بە بۆنەی ڕۆژی قودس وتەکانیان بڵاو کردەوە و جەختیان کردە سەر بەردەوامیی بەرەنگاریی زایۆنیزم.

بە پێی ڕاپۆرتی ئاژانسی هەواڵی مێهر, ژمارەیەک لە ڕێبەرانی بەرەی بەرخۆدانی ئیسلامی لەوانە سەید حەسەن نەسروڵا، ئیسماعیل هەنیە و شێخ عیسا قاسم و .... لە سەروبەندی ڕۆژی جیهانیی قودس وتەیەکیان دا.

بەرەی بەرخۆدان جدی و ڕاستگۆیە

سەید حەسەن نەسروڵا، سکرتێری گشتیی حزبوڵڵای لوبنان وتی: ئێمە ئەمڕۆ پشتیوانی خۆمان لە فەلەستین ڕادەگەینین. ئێمە هەڵوێستی ڕاستیبێژانە و دلێرانەی خۆمان سەبارەت بە ئارمانجی فەلەستین ڕادەگەیێنین.

هەنیە: شەڕی قودس بەردەوامە/ سەید حەسەن نەسروڵا: بەرخۆدان داهاتووی ناوچەکە

زیادیشی کرد: گەلی فەلەستین خۆڕاگری لە سەر هەڵوێستی خۆیان سەلماندووە و جەختیان کردۆتەسەر پابەندی بە بەرخۆدان بە هەموو شێوەیەک. گەلی فەلەستین سەرەڕای هەموو گەمارۆ و دژوارەکان و هەڕەشەکان بەردەوامن لە سەر ئارمانج و مافەکانیان.

سکرتێری حزبوڵلای لوبنان بە ئاماژە بە سەرهەڵدانی دانیشتوانی قودس لە ڕۆژانی رابردوو و بەرەنگاریی ئەوان لە گەڵ زایۆنیزم و هاودڵی دانیشتوانی غەزە لە گەڵ یەکتر ، وتی: ئەمە گۆڕانکارییەکی زۆر گرینگە. گۆڕانکارییەکانی ئەم دواییە هاوڕیزی گەلی فەلەستینی نیشان دا و ئەوەی کە ئەوان لە مافەکانیان پاشگەز نابنەوە.

ئەوەشی وت کە بەرەی گەنجی فەلەستین ئامادەی گیانبەخت کردنە و سەرکەوتن بەڕێوەیە. بەرەی بەرخۆدان مەترسیدارترین قۆناغەکانی تێپەڕاندووە. بەرەی بەرخۆدان بە پێچەوانەی ڕژیمە عەرەبەکان جدی و ڕاستگۆیە.

ڕاشیگەیاند: بەرەی بەرخۆدان ڕۆژ بە ڕۆژ تەواوتر دەبێت و هاوریزیەکەی زیاتر و هەماهەنگتر دەبێت و ئەمانە مزگێنی ئەوە دەدات کە ئێمە هەست بکەین ئازادی قودس نزیکە.

ئەوەشی وت کە قەیرانە قووڵەکان، ڕژیمی زایۆنی داگرتووە و شرۆڤەکاران بە ئاشکار نیگەرانی ئەوەن کە ڕژێمی زایۆنی نامێنێتەوە.

ئەوەشی دووپات کردەوە کە وڵاتانی سازشکار هیچ کات بەشێک نەبوونە لە شەڕی قودس و چوونەدەرەوەیان کاریگەریی لە سەر شەڕ لە گەڵ زایۆنیزم نابێت.

جەختیشی کرد کە بەرپرسیارێتی ئێمە پشتیوانی هەمە لایەنە لە بەرخۆدانی فەلەستینە و داهاتووی ناوچەکە لە لایەن بەرەی بەرخۆدانەوە دروست دەبێت.

قودس زیاتر لە هەمیشە لە ئازادی نزیک بۆتەوە

قودس زیاتر لە هەمیشە لە ئازادی نزیک بۆتەوە

ئایەتۆڵا شێخ عیسا قاسم ڕێبەری شێعەکانی بەحرەین ڕایگەیاند: قودس زیاتر لە هەمیشە بە ئازادی و ڕزگاربوون لە زایۆنییەکان نزیک بۆتەوە.

بە پێی هەواڵی مێهر، ئایەتۆڵا شێخ عیسا قاسم ڕێبەری شێعەکانی بەحرەین وتی: بژاردەی میلەتی ئێمە بەرخۆدانی درێژخایەن بۆ گەیشتن بە مافەکانی ئۆمەتی ئیسلامییە. هەوڵەکان بۆ ئاسایی کردنەوە، مەترسیدارترین پیلان دژی ئۆمەتی ئیسلامی و پیرۆزییەکانی ئیسلامە.

ئەو وتیشی: میلەتی ئیمە لە ڕێگای قودس، فەلستین، دین و یەکگرتوویی گیانبازی دەکات. هەستانەوەی باب ئەلعاموود هۆشدارێکی جیدی بۆ هەستانەوەی هەموو ئازادە موسوڵمان و عەرەبەکان دژی زایۆنیستەکانە.

ناوبراو هەروەها وتیشی: لەمپەرێکی گەورە لە نێوان زایۆنیستەکان و داگیرکردنی مزگەوتی ئەلئەقسا هەیە کە ناتوانن لەو لەمپەرە بپەڕنەوە و مزگەوت هی ئەو کەسانەیە عاقیبەتی خۆیان بە دونیا نافرۆشن.

بەرانبەر ئیسرائیل نە سازش دەکەین و نە ڕادەست دەبین

بەرانبەر ئیسرائیل نە سازش دەکەین و نە ڕادەست دەبین

سەرۆکی نووسینگەی سیاسی حەماس وتی: لە بەرانبەر دوژمنی ئیسرائیلی نە سازان دەکەین و نە ڕادەست دەبین.

بە ڕاپۆرتی ئاژانسی هەواڵی مێهر، ئیسماعیل هەنیە سەرۆکی نووسینگەی سیاسی حەماس وتی: قودس ڕووگەی دڵی ئۆمەتی ئیسلامی بووە و دەبێتیش. قودس ئەمڕۆکە لەگەڵ گۆڕانکاری گەورە بەرەوڕوویە و کێشەکان گەییشتوونەتە خراپترین و مەترسیدارترین حاڵەتی خۆی و هەوڵی بە جوو کردن و کوشتوبڕی نەتەوەی ئێمە درێژەی هەیە و داگیرکەران بەدوای دابەش کردنی مزگەوتی ئەقسا لە بواری کاتی و شوێنگەییەوەیە.

ناوبراو بە ئاماژە بە خۆپیشاندانی خەڵک لە باب عەموود لە قودسی داگیرکراو و بەرەنگار بوونەوەی ئەوان لەگەڵ ئیسرائیلییەکان دوای جووڵەکانیان ڕایگەیاند: سازان و ڕادسەت بوون لە شەڕی ورە و شوناس و بەرگری لە مزگەوتی ئەقسا و قودس جێگایەکی نییە.

هەنیە وتی : شەڕی قودس درێژەی هەیە و ئێمە لە بەرانبەر هەڕەشەکان جیدین بەتایبەتی هەڕەشەی شارۆچکەنشینەکان دژی مزگەوتی ئەقسا. ناوبراو زیادی کرد: سەرکەوتن بۆ ئێمەیە، داهاتوو بۆ ئێمەیە. فەلەستین هی ئێمەیە و داگیرکەران جێگایەکیان لە فەلەتسین نییە. نەتەوەی ئێمە بە تەواوی هێز و توانەوە و پشت بە خودا و باوەڕ بە نەتەوەی ئیسلامی ئیزنی دەستدرێژی بۆ سەر قودس و دانیشتووانی بەیتولموقەدەس نادات و بە تەواوی هێزەوە بۆ لەناوبردنی داگیرکەران هەوڵ دەدات. نەتەوەی ئێمە ئەبێ هەستنەوە تا "نا"یەکی گەورە بە دوژمن بڵێت و ئیزن نەدەن هیچ خەسارێک بەر مزگەوتی ئەقسا و قودس وەکوو پێتەختی فەلەستین بکەوێت.

سەرۆکی نووسینگەی سیاسی حەماس داوای لە ئۆمەتی ئیسلامی کرد کە هەڵوێستی بەهێزیان لە پاڵپشتی لە پارێزەرانی مزگەوتی ئەقسا و دانیشتووانی قودس هەبێت. ئیسماعیل هەنیە جەختی کرد: بڕیاری ئێمە ئەوەیە کە ئیزن نەدەینە ئیسرائیلییەکان لە قودس ملهوڕی بکەن یا لە 28 ی ڕەمەزان هێرش بکەنە سەر مزگەوتی ئەقسا.

ئەمریکا و ئیسرائیل توانای بەرەنگاربوونەوەی گرووپەکانی بەرخۆدانیان نییە

ئەمریکا و ئیسرائیل توانای بەرەنگاربوونەوەی گرووپەکانی بەرخۆدانیان نییە

شێخ قەیس خەزعەلی ڕایگەیاند: ئەمریکا و ئیسرائیل لە فەلەستین، عێراق، بەحرەین، یەمەن و سووریا و بەرانبەر ئێرانیش خەریکن شکست دەهێنن.

بە ڕاپۆرتی ئاژانسی هەواڵی مێهر، شێخ قەیس خەزعەلی ئەمینداری گشتی عەسائیب ئەهلی حەق لە لێدوانێکدا ڕایگەیاند: سەرەڕای هەموو پاڵپشتییەکانی ئەمریکا و لایەنەکانی دیکە لە ئیسرائیل، بەرخۆدان ڕۆژبەڕۆژ پێش دەکەوێت و بەردەوام لە سەرکەوتندایە.

ناوبراو زیادی کرد: کۆماری ئیسلامی ئێران بە زانایی و بیری ڕێبەرەکانی و سەبری خەڵک، ئەمریکای بەرەو دانپێدانان بە شکست لە سیاسەتەکانی برد و سیاسەتی زیاترین گوشاری ترامپ شکستی هێنا.

خەزعەلی وتیشی: گرووپەکانی بەرخۆدانی فەلەستین داگیرکەرانی ئیسرائیلییان ڕاگرتووە. ئەوان لە بەرانبەر مووشەکگەلێکەوە کە لەلایەن غەزەوە دەهاوێژرێت، داماون.

ناوبراو زیادی کرد: ئامادە بوونی سەربازی ئەمریکا لە عێراق بە مەبەستی پاڵپشتی لە ئیسرائیلە. بڕیاری گرووپەکانی بەرخۆدان لە عێراق بۆ ناچار کردنی هێزەکانی ئەمریکا لە ئەو وڵاتەیە و بەتایبەتی لە ئەو کاتەوە کە ئەمریکییەکان ڕاشکاوانە وتیان کە نایانەوێت لە عێراق بچنە دەرەوە.


ڕۆژی قودس بۆنەیەک بۆ هەستانەوەی نەتەوەی ئیسلامییە

هەنیە: شەڕی قودس بەردەوامە/ سەید حەسەن نەسروڵا: بەرخۆدان داهاتووی ناوچەکە


عەبدۆلمەلیک حوسی ڕێبەری بزووتنەوەی ئەنسارٶڵای یەمەن وتی: ڕۆژی قودس بۆنەیەکی گرینگ بۆ هەستانەوەی نەتەوەی ئیسلامیە و بەرپرسیاریەتی لە بەرانبەر ئەم نەتەوە زۆرتر دەکاتەوە.

بە پێی هەواڵی مێهر، عەبدۆلمالیک حوسی ڕێبەری بزووتنەوەی ئەنسارٶڵای یەمەن وتی: میلەتی یەمەن پشتیوانی خواستە مافدارانەکانی میلەتی فەلستینە. ئەم میلەتە لە سەر ئازادی فەلستین پێداگری دەکەن و ڕۆڵی گرینگیان لەم بوارەدا هەیە.

حوسی وێڕای ئاماژە بە پووچەڵ کردنەوەی جموجۆڵەکان دژی ئارمانجەکانی فەلستین، باسی سەرکەوتنی فەلستینی کرد و وتی: ئەوەی لە تواناماندایە بەکارمان هێنا و پێشنیاری ئازاد کردنی بەندکراوە فەلستینییەکانمان بە ڕژیمی زایۆنی دا بەڵام تا ئێستا وڵامێکی باشمان وەرنەگرتووە.

ناوبراو هەروەها ئاماژەی بۆ کردەوەکانی سەعوودی دژی ئەندامانی بزووتنەوەی حەماس و دەستبەسەر کردنیان لە لایەن ڕیازەوە، ئەوەی کردەوەیەکی دژبەرانە و بەڵگەیەک بۆ هاوڕێیەتی ڕیاز لە گەڵ زایۆنییەکان زانی.

بەرەی بەرخۆدان ڕۆژ لەدوای ڕۆژ گەورەتر و بەربڵاوتر دەبێتەوە

بەرەی بەرخۆدان ڕۆژ لەدوای ڕۆژ گەورەتر و بەربڵاوتر دەبێتەوە

زیاد نەخالە سکرێتری گشتیی بزووتنەوەی جیهادی ئیسلامی فەلستین وتی: ئۆمەتی ئیسلامی ڕۆژی قودس، ئەو ڕۆژەی کە بۆ گەیشتن بە داخوازییەکانیان دیاری کراوە، بەرز ڕادەگرێت.

بە پێێ هەواڵی مێهر، زیاد ئەلنەخالە سکرێتری گشتیی بزووتنەوەی جیهادی ئیسلامی فەلستین وتی: میلەتی ئێمە وەکوو پێشوو ئەستوور و جیدی لە سەر گەیشتن بە خواستەکانی ڕاوەستاوە.

ئەو وتیشی: پێداگری نەتەوەی ئێمە ڕۆژ لە دوای ڕۆژ زیاتر دەبێتەوە. گرووپەکانی بەرخۆدان لە ناوچە پشتیوانی خۆیان لە میلەتی فەلستین و بەرخۆدان ڕادەگەینن و پشتیوانی ئەوان بە شێوەی سیاسی و مەعنەوی و چەکدارانەیە.

نەخالە ڕاشیگەیاند: بەرەی بەرخۆدان ڕۆژ لەدوای ڕۆژ گەورەتر و بەربڵاوتر دەبێتەوە. میلەتی ئێمە لەم وڵاتەدا دەمێنێتەوە و بەرگری لێ دەکات. دوژمنی زایۆنی دێر یان زوو دەبێ ئەم وڵاتە بە جێ بێڵن.

News Code 37166

نیشانەکان

بۆچوونی ئێوە

You are replying to: .
  • 3 + 3 =