ئێران توانایی ئەوەی هەیە پاپۆڕەکانی ئەمریکا لە ناو ببات/ هەموان دەزانن ئێمە بەهێزین

فەرماندەی بڕیارگەی حەزرەتی زەینەب وتی: ئەگەر سەردەمانێک بوونی ئەمریکا لە ناوچەکە بۆ ئێمە هەڕەشە بوو، ئێستا بە هۆی هێزی بەرگری و مووشەکەکانمانەوە، توانای تێکشکاندنیمان هەیە.

سەردار ڕەحیم نەوعی ئەقدەم لە گفتوگۆ لە گەڵ هەواڵنێری مێهر، بە ئاماژە بە جووڵەکانی ئەم دواییەی ئەمریکا لە کەنداوی فارس، وتی: لە پۆلێنبەندی ئەرتەشەکانی جیهان، ئەرتەشی ئەمریکا، بە ئەرتەشێکی دەریابنەما دەناسرێت،

بە واتایەکی تر  هەموو دەسەڵاتی ئەرتەشی ئەمریکا بۆ ئۆپراسیۆنی دەرەوەی جوگرافیای ئەمریکا، هێزی دەریایی ئەم وڵاتەیە کە پاپۆڕی جەنگی، فڕۆکەهەڵگر و ئەتۆمی  و نائەتۆمی لە خۆ دەگرێت.

 ئەوەشی وت کە ژمارەیەکی زۆر لە کادیران و فەرمانبەرانی پاپۆڕە جەنگییەکانی ئەمریکا تووشی کۆڕۆنا هاتوون و هەموو پاپۆڕەکانیان لە سەر ئاو و ناو دەریاکان سەرگەردان و سەرلێشێوان و ناتوانن تووشبوانی کۆڕۆنا ڕزگار بکەن.

 سەردار نەوعی ئەقدەم سەبارەت بە وڕلیدانەکانی سەرۆک کۆماری پێشووی ئەمریکا وتی: ئەو قسانە لە چوارچێوەی شێتە شێت کردنە ناماقووڵانەکەی ترامپ بوو کە بۆ دەرچوون لە کێشە ناوخۆییەکانی وڵاتەکەی شەڕی دەروونی دروست دەکرد و هەرای دەنایەوە.

جەختیشی کرد کە بێ گومان ئەمریکا ئیدی هیچ جۆرە جووڵەیەکی تایبەت لە میحوەری بەرخۆداندا ناتوانێ بکات چونکوو هێز و بنکە دەریاییەکانی لە وڵاتانی کەنداوی فارس تەواو سووک بووە و بایەخی نەماوە.

ئەوەشی وت کە لە بەرانبەر هێزە ئەمریکاییەکانی ئێستا لە ڕۆژاوای ئاسیا کە توانای ئەنجام دانی هیچ جووڵەیەکی نییە، زیرەکی، جووڵە، توانای شەڕ کردن، هێز، یەکریزی، یەکگرتوویی و ڕۆحیەتی بەرخۆدان بە تایبەت لە هێزەکانی کۆماری ئیسسلامی ئێران لای هەموان ناوبانگی هەیە.

 فەرماندەی بڕیارگەی حەزرەتی زەینەب وتی: ئەمڕۆ بە فەزلی خودا و بە بەرەکەتی دەسەڵاتی بەرگرانە و مووشەکە خاڵ پێکەکانی زەوین بە زەوین ، زەوین بە هەوا، زەوین بە کەنار، کەنار بە دەریا، دەریا بە دەریا و دەریا بە ژێر دەریا، ئێمە توانایی تێکشکاندنی کۆپاپۆڕەکانی ئەمریکامان هەیە.

ئەو لە کۆتاییدا جەخت دەکات کە پاپۆڕەکانی ئەمریکا لە کەنداوی فارس هیچ غەڵەتێک دژی ئێران و هێزە چەکدارەکانی کۆماری ئیسلامی ناتوانێت بکات.

News Code 35725

نیشانەکان

بۆچوونی ئێوە

You are replying to: .
  • 4 + 1 =