بەهەرێم کردنی سلێمانی، هەوڵ دان بۆ دابەش کردنی هەرێمی کوردستانە

ئەندامێکی باڵای پارتی دێموکراتی کوردستان وتی:بانگهێشت بۆ کردنە هەرێمی سلێمانی بە هەرێمێکی سەربەخۆ، هەوڵ دان بۆ پارچە پارچە کردنی کوردستانی عێراقە.

بە پێی هەواڵی میهر، بە گوێرەی شەفەق نیوز، سوبحی مەندلاوی لەم بارەوە وتی: پارتی دێمۆکراتی کوردستان دژی ئەوەیە سلێمانی بکرێتە هەرێمێکی سەربەخۆ چونکو ئەم کارە بە واتای دابەش کردنی هەرێمی کوردستانە.

مەندلاوی وتیشی: ئەگەر ئەو کەسانە دەتوانن کێشەکانی هەرێم وەکوو مووچەی فەرمانبەران و قەیرانی ئابووری چارەسەر بکەن، بۆچی لە چوارچێوەی هەرێمی کوردستاندا نایکەن؟

ئەندامی باڵای پارتی دێمۆکرات ڕایگەیاند: ئیمە بڕوامان وایە هەندێ لە وڵاتانی ناوچە و دەرەوەی ناوچە لە ئەوپەڕی ئەم بانگهێشتانە دان چونکە هەر کات دۆخەکە قەیرانی دەبێتەوە، باس کردنی ئەم بانگهێشتانە لە لایەن کەسانی دژی هەرێمی کوردستانەوە زیاتر دەبێتەوە. بە گشتی بڕوا ناکەم هێزە سیاسییەکان و شارۆمەندانی کورد پێشوازی لەم بابەتە بکەن.

 مەحموود خۆشناو ئەندامی باڵای ئەجومەنی نیشتمانی لەم بارەوە وتی: ئەنجومەنی نیشتمانی لە یەکگرتوویی هەرێمی کوردستان بەرگری دەکات. ئێمە لە دابەش کردنی هەرێم پشتیوانی ناکەین چونکو ئەو کارە بەرژەوەندی خەڵکی لە بەرچاو نەگرتووە.

 شیاوی ئاماژەیە پێشتر بەیار عومەر سەرۆکی لیژنەی داواکاری بەهەرێم کردنی سلێمانی وتبووی: ئێمە دەمانەوێت سلێمانی بکرێتە هەرێمێکی سەربەخۆ و پێشتریش چەندجار وتوومانە و هەر وەدوا خرا و ئێستا داخوازییەکەمان دووپات دەکەینەوە و بە پێی یاسا خوازیاری ئەوەین ئەم شارە بکرێتە هەرێمێکی جیا و سەربەخۆ.

News Code 35530

نیشانەکان

بۆچوونی ئێوە

You are replying to: .
  • 8 + 6 =