ئێران بەردەوام دەبێ لە پاڵپشتی کردنی هاوپەیمانانی لە ناوچەکە

سەردار دێهقان جەختی کرد کە پێگەی ئێران سەرەڕای گوشارەکانی ئەمریکا بەرزتر بۆتەوە و ئێمە پشتی هاوپەیمانانمان لە ناوچە بەرنادەین.

بە ڕاپۆرتی ئاژانسی هەواڵی مێهر، سەردار حسێن دێهقان ڕاوێژکاری رێبەری باڵای شۆڕش لە وتووێژ لە گەڵ فایننەیشنەڵ تایمز، سەبارەت بە کاریگەریی گەمارۆکانی ئەمریکا لە سەر کێشەگەلی ئابووری و بوودجەی سەربازیی ئێران، وتی: بوودجەی بەرگری وڵات و ڕێکخراوە سەربازییەکانی ئێران کەم نەبۆتەوە و هەلومەرجی سەربازیمان بە نیسبەتی سێ ساڵ لەوە پێش زۆر باشترە و لەبارەی جیهازات و پێرسۆنێل و ڕیکخراوەییشەوە پێشکەوتنمان بووە.

وەزیری بەرگری پێشوو بە داکۆکی لە گەشەی پلانی مووشەکی و درێژەی پاڵپشتییەکان لە هاوپەیمانانی ئێران، جەختی کرد: بە هیچ لەونێک دانوستان لە گەڵ ئەمریکا ناکەین، ئەگەرچی خۆمان دەبوێرین لە شەڕێکی هەمە لایەنەش.

سەدار دێهقان بە ئاماژە بەوەی کە سیاستگەلی ترامپ لە ئەنجامدا بە سوودی ئێرانە، ڕایگەیاند: ستراتژییەکانی ئێران تێچووی ئەوان دەباتە سەرێ و دیارە بۆ ئێمەش تێچووی دەبێ. بەڵام بەوەشەوە بۆتە هۆی ورووژانی هەستی دژە ئەمریکی و بەرزبوونەوەی پێگەی ناوچەییمان و تۆکمەتربوونی هیزە هاوپەیمانەکانی ئێران لە ناوچەدا.

جەختیشی کرد: ئێمە هیچکات پشتی هاوپەیمانانمان لە ناوچە بەرنادەین و ئەگەر حیزبوڵڵاش داوای یارمەتیمان لێ بکات، یارمەتیان دەدەین. چونکە ئێمە ئەکتەر نین، ئێمە شۆڕشین.

News Code 31189

نیشانەکان

بۆچوونی ئێوە

You are replying to: .
  • 1 + 3 =