هەندێک لە کوژراوانی ئەم دواییە لە ئێران لە لایەن ئاژاوەگێڕانەوە پێکراون

فەرماندەی سوپای محەمەد ڕەسووڵەڵڵا (دخ)ی تاران لە پەراوێزی کۆبوونەوەی شۆڕای ئیسلامی شار وتی: هەندێ کەس لە ئاستی کۆمەڵگا لە لایەن ئاژاوەگێران و لە دواوە پێکراون و کوژراون.

بە ڕاپۆرتی ئاژانسی هەواڵی مێهر، سەردار محەمەد یەزدی فەرماندەی سوپای محەمەد ڕەسووڵەڵڵا (دخ)ی تاران لە پەراوێزی یەکسەد و نوهەمین دانیشتنی شۆڕای شار، سەبارەت بە کوژراوانی ناو بشێوییەکانی ئەم دواییە وتی: پشت‌ڕاستی دەکەمەوە کە جگە لە تاقمێکی کوژراو لە ئاژاوەگێڕ بوونە، هەندێ کەس لە ئاستی کۆمەڵگا لە لایەن ئاژاوەگێران و لە دواوە پێکراون و کوژراون.

وتیشی: خەریکی پێزانینی شوناسی کوژراوانی ئەو ڕووداوەین و سەردانی بنەماڵەکانیان دەکرێت و هەر وەک چۆن ڕیزی ئاژاوەگێران لە خەڵکی جودایە، ڕیزی کەسانێک کە بێ تاوان کوژراون لە کەسانێک کە هەوڵی زیان گەیاندن بە داراییە گشتییەکان و بشێویان داوە، جودادیە.

فەرماندەی سوپای محەمەد ڕەسووڵەڵڵا لە وەڵامی پرسیار لە ئەگەری کوژرانی بە هەڵەی کەسەکان لە لایەن هیزەکانی ئاسایشەوە، ڕوونی کردەوە: ئەو پرسە لە لێکدانەوەدایە و جارێ نە دەتوانین لەوبارەیەوە ڕا و بۆچوونی خۆمان دەرببڕین و نە کاتی ئەوەشە. بەڵام دڵنیا بن کە ئەو پرسە بە وردی لێک دەدرێتەوە و هۆکاری کوژرانی کوژراوان تاوتوێ دەکرێت.

سەردار یەزدی بە ئاماژە بەوەی کە ژمارێک لە قۆڵبەست‌کراوانی ڕووداوەکانی ئەم دواییە لە چینی دەوڵەمەند و باڵای کۆمەڵگا بوونە و کەڵکەڵەی مەعاش و کاریان نەبووە، جەختی کرد: هۆی سەرهەڵدانی بشێوییەکان لە ناوچەگە هەژار و کەم‌داهاتەکان دەگەڕێتەوە بۆ ئەوەی کە دوژمنان ئەو شوێنانەیان کە بەستێنی کۆمەڵایەتی هەیە بۆ ئەو مەبەستە دیاری کردبوو، چونکە دوژمن هەنگاو دەنێتە شوێنێک کە تێیدا خەڵکی ئاسایی بکاتە دارەدەست و سواری شەپۆلی خەڵکی بێت و ئەرکی خۆی بەوان بسپێرێت.

News Code 29613

نیشانەکان

بۆچوونی ئێوە

You are replying to: .
  • 2 + 9 =