ئامادەبوونی بیانییەکان لە کەنداوی فارس دژی ئاسایشی ناوچەیە

فەرماندەی گشتیی سوپای پاسداران بە ئاماژە بەوەی کە هیچ وڵاتێک ناتوانێ وەک ئێران ئاسایشی هەموو ناوچەکە دابین بکات، وتی: ئامادەبوونی بیانییەکان لە کەنداوی فارس دژی ئاسایشی ناوچەیە.

بە ڕاپۆرتی ئاژانسی هەواڵی مێهر، سەرداری "حسێن سەلامی" فەرماندەی گشتیی سوپای پاسدارانی شۆڕشی ئیسلامی ڕۆژی پێنج شەممە لە شاری مەشھەد ڕایگەیاند: شەڕی ئابووری لەو بەشە دانەبڕاوانەی سیاسەتەکانی ئەوڕۆی دوژمنانی ئێرانە و پیلانەکانیان لە سەر بنەمای تێکدانی ڕەوشتی ئابووری و بە خەیاڵی خۆیان خەساندنی ئابووریی ئێران داڕشتووە.

سەردار سەلامی وێڕای ئاماژە بە شێوازە جۆربەجۆرەکانی شەڕی بریکارانە، ئۆپراسیۆنی دەروونی، شەڕی ھەواڵگرییانە و ترساندنی سەربازییانە لە لایەن دوژمنەوە لە ناوچەکەدا، ڕاشیگەیاند: سیناریۆکانی دوژمن بۆ ناوچەکە لەم ھەلومەرجەی ئێستادا گەلێک بەربڵاوتر لە ترساندنی سەربازییانە و چەواشەکاریی ھەواڵگرییانەیە.

فەرماندەی گشتیی سوپا بە ئاماژە بەوەی کە گەمارۆکان ئاستەنگی بەردەم پێشکەوتنی ئێمە بین، بەڵکوو کەرەسەی گەشە و پێشکەوتنن، وتی: ئەگەر لە سەردەمی بەرەڤانیی پیرۆزدا ئامادەبوون و بەشداریی بەشێک لە کۆمەڵگا لە بەرەکانی شەڕدا بەس بوو، ئەوڕۆکە پێویستە تەواوی کۆمەڵگا لەم جیھادە ئابوورییەدا بەشدار بن.

ناوبراو بە ئاماژە بە ئامادەبوونی دوژمن لە کەندوای فارس وتیشی: هیچ وڵاتێک وەکوو ئێران ناتوانێ ئاسایشی هەموو ناوچەکە دابین بکات و دوژمنان ناتوانن سیستەمی ناوچەیی لە بندەستی دەربێنن، ئامادەبوونی بیانییەکان لە کەنداوی فارس دژی ئاسایشی ناوچەیە. لەو پێناوە دەسەڵاتێکی زۆرمان هەیە و دوژمنان بە هیچ چەشنێک ناتوانن بە سەرماندا زاڵ بن.

News Code 27984

نیشانەکان

بۆچوونی ئێوە

You are replying to: .
  • 2 + 0 =