زۆرانبازانی فەرەنگی کاری ئێران لە پلەی دووهەمی جیهان وەستان

هەڵبژاردەی نەتەوەیی گەنجانی ئێران بە بردنەوەی ٢ میدالیای زێڕ و ٣ میدالیای بڕۆنز پلەی دووهەمی ڕکابەریی زۆرانبازی فەرەنگی گەنجانی جیهان لە ئێستۆنی مسۆگەر کرد.

بە ڕاپۆرتی ئاژانسی هەواڵی مێهر، لە کۆتایی ڕکابەرییەکانی زۆرانبازیی فەرەنگی گەنجانی جیهان، هەڵبژاردەی نەتەوەیی ئێران بە دوو میدالیای زێڕی محەمەد ناقووسی و عەلی ئەکبەر یووسفی لە کێشەکانی ٧٧ و ١٣٠ کیلۆگرام و ٣ میدالیای بڕۆنزی پوویا دادمەرز، شاهین بۆداغی و محەمەد ڕەزا ڕۆستەمی لە کێشەکانی ٥٥، ٦٣ و ٧٢ کیلۆگرام، لە پاش ڕووسیا پلەی دووهەمی پاڵەوانێتی ئەو ڕکابەریانەی مسۆگەر کرد و تورکیاش بووە سێهەمی زۆرانبازی فەرەنگی گەنجانی جیهان.

شایانی باسە، ڕکابەرییەکانی زۆرانبازی گەنجانی جیهان لە رۆژانی ٢٥ تا ٢٧ی گەلاوێژ لە شاری تالینی وڵاتی ئیستۆنی بەڕێوە چوو.

News Code 27940

نیشانەکان

بۆچوونی ئێوە

You are replying to: .
  • 8 + 3 =