کاردانەوەی زەریف بە پاگەندەی هۆک سەبارەت بە مووشەکەکانی ئێران

وەزیری دەرەوەی ئێران لە کاردانەوە بە پاگەندەی برایان هۆک سەبارەت بە فۆتۆشاپ بوونی توانستی بەرگری و مووشەکی ئێران، وتی: دەبینین.

بە ڕاپۆرتی ئاژانسی هەواڵی مێهر، محەمەد جەواد زەریف وەزیری دەرەوە ئەوڕۆ لە پەراوێزی ڕێوڕەسمی "ڕاسپاردەی من" سەبارەت بە پرسی گەمارۆ و کشانەوەی یەک لایەنەی ئەمریکا لە بەرجام، لەبارەی سەفەری بەمزووانەی بەرپرسانی بیانی بۆ تاران ڕایگەیاند: بە بڕوای من سەفەری سەرۆک وەزیرانی ژاپۆن و وەزیری دەرەوەی ئەڵمانیا بۆ تاران و هەروەها سەفەری بەڕێز ڕۆحانی بۆ بیشکەک و دووشەنبە بۆ دیدار لە گەڵ رێبەرانی ئەو دوو وڵاتە، دەرفەتێکە لە بەردەم کۆماری ئیسلامی ئێران لە پێناو داڕشتنی سیاسەتەکانی خۆی و داهاتووی بەردەمی و هەروەها دۆزێنەوەی رێگە چارەیەک بۆ بەرەوڕووبوونەوە لە گەڵ سیاسەتگەلێک کە هەموو جیهانی کردۆتە ئامانج.

زەریف سەبارەت بە دیداری سبهەینێی وەفدی ئێرانی و ئەڵمانی، وێرای ڕەخنە لە رۆژئاوا بۆ ڕانەپەراندنی بەڵینەکانیان هەمبەر بە ئێران، ڕاشیگەیاند: ئەرکی سەر شانی ئەورووپییەکان و هەموو ئەندامانی بەرجام ئەوەیە کە هەلومەرجی پەیوەندیی ئابووری ئێران ئاسایی بکەنەوە و ئەوان دەبێ سەبارەت بە هەنگاوەکانیان لەوبارەیە وەڵام بدەنەوە و پێمان بڵێن تا چەندەی رێگایان ئاسایی کردۆتەوە.

وەزیری دەرەوە سەبارەت بە مۆڵەتی دیاری کراوەی ئێران لە پرسی بەرجام بۆ ئەورووپییەکان ڕوونی کردەوە: قسە لە مۆڵەتی دیاری کراوە نییە و ئەوان دەزانن کە ئەگەر هەنگاوێک هەڵگرن، ئەرکی سەر شانیانە و ئێمەش هەنگاوەکانی خۆمان یان ڕادەگرین یان هاوسەنگ لە گەڵ هەنگاوەکانی ئەوان بڕیاری پێویست دەدەین. ئەوەی کە ئەوان دەڵێن هەوڵمان داوە و نەبووە، ئێمەش دەتوانین لە وەڵامیاندا بڵێین کە لەوە بە دوا هەوڵ دەدەین و نابێ.

ناوبراو هەروەها لە کاردانەوە بە پاگەندەی برایان هۆک سەبارەت بە فۆتۆشاپ بوونی توانستی بەرگری و مووشەکی ئێران، وتی: دەبینین.

زەریف وتیشی: سیاسەتگەلی ئەمریکی تەنیا ئێرانی نەکردۆتە ئامانج، بەڵکوو هەموو وڵاتانی جیهانی کردۆتە ئامانج.

وەزیری دەرەوە لە کۆتاییدا ڕووانییە سەفەری بەمزووانەی شینزۆ ئابە سەرۆک وەزیرانی ژاپۆن بۆ ئێران و بە داکۆکی لە زەروورەتی وەستاندنی سیاسەتی شەڕی ئابووری، جەختی کرد: لە دیداری سەرۆک وەزیرانی ژاپۆن پرسی دوو لایەنە دەخرێتە ڕوو و ئێمە بە وردی گوێ بۆ ڕوانگەکانی ئەو دەگرین و لە بەرامبەردا ڕوانگەی خۆمانی بە چڕ و پڕی پێ ڕادەگەیێنین.

News Code 26823

نیشانەکان

بۆچوونی ئێوە

You are replying to: .
  • 2 + 0 =