مامەڵەی سەدە پێشێل کردنی یاسای نێودەوڵەتییە/ بەرتیل قبووڵ ناکەین

 سەرکردیەکی باڵای بزووتنەوەی حەماس دەڵێت: مامەڵەی سەدە شکست دێنێت چوونکوو پێشێل کردنی یاسای نێودەوڵەتییە و ئێمەش هیچ بەرتیلێک لە بەرانبەر بنەماکانی فەلەستین قبووڵ ناکەین.

هاوکات لەگەڵ ڕۆژی جیهانی قودس بۆ پاڵپشتی لە فەلەستین، محمەد ئەلزەهار ، یەکێک لە سەرکردە باڵاکانی بزووتنەوەی حەماس لە گفتوگۆ لەگەڵ مێهر باسی لە مامەڵەی سەدە و هەوڵەکانی ئەمریکا وئیسرائیل بۆ پێشێل کردنی یاسا نێودەوڵەتییەکان بەرانبەر بە گەلی فەلەستین، کرد.

 ئەلزەهار سەبارەت بە کۆبوونەوەی ئابووری بەحرەین وەک دەستپێکی جێبەجێ کردنی مامەڵەی سەدە وتی: ئێمە وڵاتی خۆمان واتا فەلەستین و پیرۆزییەکانی و مافی گەڕانەوەی هەموو فەلەستینیەکانی لەگەڵ پارە چ لە بەحرەین و چ لە شوێنێکی دیکە ناگۆڕینەوە.

وتیشی: ئەم کۆبوونەوە شکست دێنیت و ئیمە هیچ جۆرە بەرتیلێک لە بەرانبەر بنەما و پرەنسیپەکانی فەلەستین قبووڵ ناکەین.

ئەوەشی وت کە ئوردۆن، سووریا، لوبنان و فەلەستین و ئێران دژی مامەڵەی سەدەن بەڵام وڵاتانی دیکە بێ هەڵوێست و بێ دەنگن.

 ئەوەشی دووپات کردەوە کە جیهان ڕادەگەیێنێت کە ڕەوتی مامەڵەی سەدە تەواو نابێت و شکست دێنیت چونکوو پێچەوانەی یاسای نێودەوڵەتییە.

News Code 26739

نیشانەکان

بۆچوونی ئێوە

You are replying to: .
  • 8 + 9 =