به‌رده‌وامى كاره‌ تیرۆرستییه‌كان له‌ كه‌ركووك ئاماژه‌ىەکی مەترسیدارە

بە ڕاپۆرتی ئاژانسی هەواڵی مێهر،نێچیرڤان بارزانی لە پەیامێکدا داوای لە دەوڵەتی ناوەندی عێراق کرد کە لایه‌نه‌ په‌یوه‌نداره‌كان بە هەوڵی تیرۆرستی شەوی ڕابردووی کەرکووک بدۆزنه‌وه‌ و به‌ سزاى یاساییان بگه‌یه‌نن.

لەو پەیامەدا بارزانی وێرای ڕاگەیاندنی پرسه‌ و سه‌ره‌خۆشی قووڵ له‌ خانه‌واده‌ و كه‌سوكارى شه‌هیدانى ته‌قینه‌وه‌ تیرۆرستییه‌كانى كه‌ركووك ، وتی: هه‌موو دامه‌زراوه‌ پزیشكییه‌كانى هه‌رێمى كوردستان كراوه‌ و ئاماده‌ى پێشكه‌شكردنى هه‌موو هاوكارییه‌كن.

 وتیشی: داواكارین لایه‌نه‌ په‌یوه‌نداره‌كان تیرۆرستان بدۆزنه‌وه‌ و به‌ سزاى یاساییان بگه‌یه‌نن.

سەرۆکی هەرێمی کوردستان زیادی کرد: به‌رده‌وامى و فراوانبوونى كاره‌ تیرۆرستییه‌كان له‌ ناوچه‌كانى كه‌ركووك و ده‌وروبه‌رى، ئاماژه‌ى ترسناكى كارابوونه‌ى تیرۆر و هه‌وڵى ئاڵۆزكردنى دۆخى ئه‌و ناوچانه‌ن‌.

جەختیشی کرد: ڕووبه‌ڕووبوونه‌وه‌ى ئه‌و هه‌وڵه‌ تیرۆرستییانه‌ پێویستى به‌ هاوكارى و هه‌ماهه‌نگیى زیاترى لایه‌نه‌ په‌یوه‌نداره‌كانى حكوومه‌تى فیدرالى عێراق و هه‌رێمى كوردستان هه‌یه‌ و هه‌ردوولا ده‌بێ به‌ جددى كارى له‌سه‌ر بكه‌ن.