بانگەوازی نۆهەمین مێهرەجانی نێودەوڵەتی دەف نەوای ڕەحمەت ڕاگەیێندرا

بانگەوازی نوهەمین مێهرەجانی نێونەتەوەیی دەف نەوای ڕەحمەت کە مانگی گەلاوێژی ئەمساڵی هەتاوی لە شاری سنە بەڕێوە دەچێت، ڕاگەیێندرا.

بە راپۆرتی ئاژانسی هەواڵی مێهر، حەوزەی هونەری پارێزگای کوردستان بە هاوکاریی ڕێکخراوی سپێهر، نوهەمین مێهرەجانی نێونەتەوەیی دەف نەوای ڕەحمەت بە دروشمی "هونەر، هاوڕیزی و میهرەبانی" لە بەرواری ٢٢ تا ٢٤ی گەلاوێژی ئەمساڵ و هاوکات لە گەڵ جەژنەکانی قوربان و غەدیر لە شاری سنە بەڕێوە دەبات.

سەرۆکی حەوزەی هونەری بە ڕاگەیاندنی ئەو هەواڵە ئامانجەکانی ئەم خولە لە مێهرەجانی پەرەدان بە ناوەڕۆک و چەمکی باڵای ئیسلامی و مرۆیی، دۆزینەوەی لێهاتووییەکان و گەنجانی بە توانا، بەرەنگاربوونەوەی هێرشی فەرهەنگی بە بەهرەمەند بوون لە دەفرایەتیی فەرهەنگی و هونەریی شاز و بەرز، داهێنانی ئاسەواری هونەری شاز و نامنە بۆ پەرەدان بە ئەندێشەی ئیسلامی و هەروەها بەهادن بە مۆسیقای عیرفانی و لەو رێگەوە تۆکمە کردنی یەکگرتوویی و هاودڵی لە ناو موسڵمانان ڕاگەیاند.

ئەمین مورادی بەشەکانی ئەم خولە لە مێهرەجانی نێونەتەوەیی، سەرتاسەری و لاوەکی ڕاگەیاند و وتی: بەشی نێونەتەوەیی بە شێوەی ناڕکابەری و بە پێی ئاستی داخوازیی گرووپە جۆراوجۆرەکان لە وڵاتانی ناوچە ئاراستە دەکرێت و بەشی سەرتاسەریش پێکهاتووە لە بەشەکانی گرووپ ژەنی، تاک ژەنی و مەولوویی خوێندن کە لە بەشی تاک ژەنیدا ٢ گرووپی تەمەنی ١٣ تا ١٩ ساڵ و ١٩ ساڵ بۆ سەر دەتوانن بەشداری بنوێنن.

ناوبراو بە ئاماژە بەوەی کە مێهرەجان لە ماوەی رۆژانی ٢٢ تا ٢٤ی گەلاوێژ و هاوکات لە گەڵ جەژنەکانی قوربان و غەدیر بەڕێوە دەچێ، وتیشی: بەشدرابووان دەبێ بەڵگە و نموونەی کاریان تا بەرواری ٢٢ی پووشپەڕ بۆ نووسینگەی مێهرەجان بنێرن و ئەنجامی داوەرییەکان ٥ی گەلاوێژ ڕادەگەیێندرێت.

News Code 26464

نیشانەکان

بۆچوونی ئێوە

You are replying to: .
  • 9 + 2 =