رۆژئاوا چەکی ناڤۆکی لە دژی ڕووسیا بە کار دێنێت

بە ڕاپۆرتی ئاژانسی هەواڵی مێهر بە گێڕانەوە لە سپۆتنیک، والدیمار سێکشیبچاک ژنڕاڵی پۆلاندایی ڕایگەیاند کە رۆژئاوا لە ئەگەری دەستدرێژی و داگیرکاریی ڕووسیا لە چەکی ئەتۆمی لە دژی ئەو وڵاتە کەڵک دەبات.

ڕاشیگەیاند: پێشتریش ئەمریکا ئامادەی کەڵک وەرگرتن لە چەکی ئەتۆمی بووە تا پێش بە داگیرکرانی پۆلانادا لە لایەن سوپای سوورەوە بگرێت و ئەو پلانانە لە ئەگەری دەستدرێژیی ڕووسیا لە بەر دەستن.

ئەو ژنڕااڵە پۆلانداییە لە درێژەدا وتی: هیچ وڵاتێکی ئەورووپی بە تەنیا توانای بەرەنگاربوونەوەی سوپای ڕووسیای نییە و پۆلانادا بەو هۆیە لە ساڵی ١٩٩٩ەوە پەیوەستی ناتۆ بووە.

والدیمار سێکشیبچاک جەختی لەوەش کرد: ناتۆ لاواز بووە و پەیوەست بوونی کەریمە بە ڕووسیا و شەڕی ناوخۆیی لە دۆنباسی ئۆکراین سەلمێنەری ئەو ڕاستییەیە. ڕووسیا نیگەرانی بەهێزبوونی باڵی رۆژهەڵاتیی ناتۆ نییە، چونکە هێزەکانی ئەمریکی لە پۆلاندا، ڕۆمانی و وڵاتانی بالتیک توانای گۆڕینی دۆخەکەیان نییە.

ناوبراو وتیشی: ڕووسیا بە ئاسانی دەتوانێ سەرزوینی وڵاتانی بالتیک داگیر بکات و شەڕی نێوان ناتۆ و سپای ڕووسیا لە پۆلاندادا دەبێت، هەر بۆیە ناتۆ دەبێ بەهای زیاتر بدات بە وێرشۆ وەک هاوپەیمانێکی خۆی.