گراهام داوای له‌ ترامپ کرد له‌ بڕیاری کشانه‌وه‌ له‌ سووریا پاشگه‌ز بێته‌وه‌

سێناتۆر لیندسی گراهام له‌ ترامپ داوای کرد تاکوو به‌ هۆی ته‌قینه‌وه‌که‌ی شاری مه‌نبه‌ج، کشانه‌وه‌ی هێزه‌کانی ئه‌مریکا له‌ سووریا لێکبداته‌وه‌.

به‌ ڕاپۆرتی ئاژانسی مێهر له‌ نیۆیۆرک پۆست، لیندسی گراهام، سیناتۆری کۆماری خواز له‌ کاردانه‌وه‌ به‌ ته‌قینه‌وه‌که‌ی مه‌نبه‌ج وتی: هیوادارم سه‌رۆک کۆماری ئه‌مریکا سه‌باره‌ت به‌و شته‌ی له‌ سووریا ئه‌نجامی ده‌دات به‌ وردی لێکۆڵینه‌وه‌ بکات.

ئه‌و زیادی کرد: کشانه‌وه‌ی هێزه‌کانی ئه‌مریکا له‌ سووریا ده‌بێته‌ هۆی ئه‌وه‌ی دوژمنان وره‌یان به‌رز بێته‌وه‌ که‌ ئێمه‌ خه‌ریکی شه‌ڕ کردن له‌گه‌ڵ ئه‌وانین.

به‌رپرسێکی ئاگاداری ئه‌مریکا سه‌باره‌ت به‌م ته‌قینه‌وه‌ له‌ شاری مه‌نبه‌ج وتی: له‌م ته‌قینه‌وه‌ ۴ سه‌ربازی ئه‌مریکایی کوژراون و ۳ سه‌ربازی دیکه‌ش بریندار بوون.

ئه‌م ته‌قینه‌وه‌ له‌ بازاڕێکی شاری مه‌نبه‌ج ڕووی دا که‌ هێزه‌کانی ئه‌مریکا تێیدا له‌ حاڵی هات و چوو کردندا بوون.

به‌م هۆیه‌وه‌ لانی که‌م ۹ که‌سی سڤیلیش کوژراون و ۲۰ که‌سی دیکه‌ش بریندار بوون.

گرووپی تیرۆریستی داعش به‌رپرسیاریه‌تی ئه‌م ته‌قینه‌وه‌ی له‌ ئه‌ستۆ گرتووه‌.

News Code 24400

نیشانەکان

بۆچوونی ئێوە

You are replying to: .
  • 1 + 7 =