جێگیر بوونی ۲۰ هه‌زار سه‌ربازی ئه‌مریکایی له‌ نه‌ینه‌وا ڕه‌تکرایه‌وه‌

ئه‌ندامی پارێزگای نه‌ینه‌وا له‌ ئه‌نجومه‌نی نوێنه‌رانی عێراق ده‌نگۆی جێگیر بوونی ۲۰ هه‌زار سه‌ربازی ئه‌مریكایی له‌ نه‌ینه‌وا و ده‌رکردنی حه‌شدی شه‌عبی له‌و پارێزگایەی ڕه‌ت کردەوە.

بە ڕاپۆرتی ئاژانسی مێهر لە سومرییە نیوز، حەین قەدۆ، ئه‌ندامی پارێزگای نه‌ینه‌وا له‌ ئه‌نجومه‌نی نوێنه‌رانی عێراق ده‌نگۆی جێگیر بوونی ۲۰ هه‌زار سه‌ربازی ئه‌مریكایی له‌ نه‌ینه‌وا و ده‌رکردنی حه‌شدی شه‌عبی له‌و پارێزگایەی ڕه‌ت کردەوە.

ئەو لەمبارەوە وتی: چه‌ند میدیایەکی عێراقی ڕایانگەیاند كه‌ سوپای ئه‌مریكا ۲۰ هه‌زار سه‌ربازی له‌ مووسڵ و ده‌وربه‌ری جێگیر كردوووه ‌و كار بۆ ده‌ركردنی هێزه‌كانی حه‌شدی شه‌عبی له‌و ناوچانه‌ ده‌كه‌ن که‌ ئه‌و هه‌واڵانه‌ دوورن له‌ ڕاستی و ئامانج له‌ ڕاگه‌یاندنی ئه‌و هه‌واڵانه‌ دروست کردنی ترس و ته‌نگه‌ژه‌یه‌ له‌ نێوان هاووڵاتیانی مووسڵدا‌.

ئەم نوێنەرە عێراقییە داوای له‌ عادل عه‌بدولمه‌هدی، سه‌رۆک وه‌زیران کرد که‌ ڕای گشتی ئاگادار بکاته‌وه‌ له‌ پرسی جێگیر بوونی هێزه‌کانی ئه‌مریکا له‌ باکوور و دیکه‌ی ناوچه‌کانی عێراق و ئامانج له‌ ئاماده‌بوونی ئه‌و هێزانه‌ چییە.

ئەو زیادی کرد: بێ‌ هه‌ڵویستی به‌غدا له‌ به‌رانبه‌ر ئه‌م جۆره‌ ده‌نگۆیانه‌ تێکدانی دۆخی ئه‌منی و نیگه‌رانی و دڵه‌ڕاوکێی هاووڵاتیانی عێراقی لێ دەکەوێتەوە.

News Code 24355

نیشانەکان

بۆچوونی ئێوە

You are replying to: .
  • 9 + 9 =