ئەسپی ئەمریکا دۆڕاوە، مەرجی لە سەر مەکەن

وەزیری دەرەوەی ئێران بە "ئەسپی دۆڕاو" وەسف کردنی ئەمریکا، داوای لە وڵاتانی دیکە کرد کە مەرج لە سەر ئەو ئەسپە دۆڕاوە نەکەن.

بە ڕاپۆرتی ئاژانسی هەواڵی مێهر، محەمەد جەواد زەریف سەرۆکی دەزگای دیپلۆماسی، ئەوڕۆ لە میانەی سەفەری بۆ بەغدا بە هەواڵنێرانی ڕاگەیاند: ئێران و عێراق پێوەندییەکی لە مێژینەیان هەیە و ئێمە وڵاتێکین کە لە سەردەمی سەخڵەتیدا لە پەنای خەڵکی عێراق بووین و گەلی عێراق توانیان مەترسییەکی گەورە بۆ سەر ناوچە ببەزێنن.

ڕاشیگەیاند: کەرتی تایبەتی ئێران بەردەوام لەم ساڵانەدا ڕۆڵێکی کارایان بووە لە ئاوەدان کردنەوەی عێراق و پەیوەندییەکی تۆکمەی ئابووری و بازرگانی لە نێوان ئێران و عێراقدا هەیە و ئەگەرچی هەندێک هەوڵی تێکدانی ئەو پەیوەندییەیان هەیە، بەڵام لە سای خودا و هوشیاریی بەرپرسانی دوو وڵات هیچکات بەو هیوایان ناگەن.

وەزیری دەرەوەی ئێران بە ئاماژە بە یەکەم سەفەری بۆ عێراق لە دوای هەڵبژاردنەکانی ئەم دواییەی ئەو وڵاتە، جەختی کرد: دوای سەفەرەکەی بەرهەم ساڵح سەرۆک کۆماری عێراق، بڕیاری سەفەر بۆ ئەو وڵاتە تا ئەمڕۆ دوا خرا و لەم سەفەر وێرای سەردان کردنی بەغدا، بڕیارە سەردانی ناوەندە پیرۆزەکان لە شارەکانی نەجەف و کەربەلا و هەروەها هەرێمی کوردستان بۆ واژۆ کردنی گرێبەستگەلێکی هاوبەشی ئابووری بکەین.

زەریف بیری هێنایەوە: ئێمە هەوڵی زۆرمان داوە کە هەڵوێستی بەرپرسانی عێراقی هەمبەر بە گەمارۆکان بە هاوکاری و بەهرە وەرگرتن لە میتۆدە پراکتیزەکان بگۆڕین و پێویستە لەو رێگەدا ئاور لە رێگەچارە سیاسییەکان بدەینەوە.

ناوبراو سەبارەت بە کێشەی بازرگانانی ئێرانی لە گەڵ لایەنی عێراقی و لەوان نرخی تارەفەکان وتی: کۆی نیگەرانیی کەرتی تایبەتیمان کۆ کردۆتەوە و لێکدراونەتەوە و بە ئومێدی خودا لەم سەفەرەدا هەوڵ دەدەین نیگەرانیی ئەو بەشەش چارەسەر بکەین.

سەرۆکی دەزگای دیپلۆماسی لە کۆتاییدا وەک ئامۆژگارییەک بۆ تێکدەران و لەمپەرسازانی بەردەم پەیوەندییەکانی ئێران و عێراق، وتیشی: ئەو هەنگاوانە نیشاندەری شکستی سیاسەتگەلی ویلایەتە یەکگرتووەکان و ئەو شکستە چل ساڵە درێژەی هەیە و پێشنیاری من بەو وڵاتانە ئەوەیە کە چیتر مەرج لە سەر ئەو ئەسپە دۆڕاوە نەکەن.

News Code 24294

نیشانەکان

بۆچوونی ئێوە

You are replying to: .
  • 1 + 5 =