یەکگرتوویی شیعە و سوننە هەڕەشە و گەمارۆکانی دوژمن پووچەڵ دەکات

مەرجەعێکی باڵای شیعەکانی ئێران بە ئاماژە بە پیلاننانەوەی دوژمنان لە نێوان شیعە و سوننە وتی: تا ئەوکاتەی شێعە و سوننە یەکگرتوو بن، هیچ هەڕەشە و گەمارۆیەک کێشە دروست ناکات.

 بە ڕاپۆرتی ئاژانسی هەواڵی مێهر، ئەمڕۆ ژمارەیەک لە مامۆستایانی سوننە و کەسایەتییە بەرجەستەکانی کوردستان لەگەڵ ئایەتوڵڵا مەکارم شیرازی، یەکێک لە مەرجەعە باڵاکانی شیعەی ئێران دیداریان کرد.

ئایەتوڵڵا مەکارم لەم دیدارەدا وتی: زۆر خۆشحاڵم کە کەسایەتییە گەورەکانی کوردستان لەم کۆڕەدان. پێش سەرکەوتنی شۆڕشی ئیسلامی دۆست و برادەری زۆر باشم لە نێوان ئەهلی سوننەدا دۆزیەوە و هێشتا پەیوەندیم لەگەڵیان هەیە.

ئایەتوڵڵا مەکارم وتی: ئەم برا خوێن گەرمانە ، زۆر موخلیس و بێ گەردن. بیرەوەرییەکانی ئەو کاتەی لە مەهاباد بووم لە بیر ناکەم. من بۆ باشووری ئێرانیش دوور خرامەوە بەڵام بیرەوەری کوردستان هەر لەبیرم ناچێتەوە.

 ئەو سەبارەت بە هەفتەی وەحدەت " یەکگرتوویی" ڕایگەیاند: هەفتەی یەکگرتوویی دەستپێشخەرییەکی زۆر باش بوو کە بووەتە هۆی نزیک بوونی جەماوەری شیعە و سوننە لەگەڵ یەکتر؛ قیرسیچمەکان نایانەوێت ئەم جەژنە قبووڵ بکەن.

ڕاشیگەیاند: پێش شۆڕش پەیوەندی نێوان شیعە و سوننە زۆر کەم بوو و ناوی ئیسلام لە ناوچەکە زۆر برەوی نەبوو، بەڵام سپاس بۆ خوا ئەمڕۆ شیعە و سوننە لە وڵاتی ئێمە بە باشی پێکەوە دەژین و لەم ڕێگایەدا باشترین ڕێبازیان هەڵبژاردووە.

وتیشی: خاڵە هاوبەشەکانی ئیمە زیاتر لە هەموو شتێک دەبێ لەبەرچاو بگیردرێت و ناکۆکییەکان شیاوی باس لێکردن نین.

 جەختیشی کرد کە دەبێ ڕێز لە پیرۆزییەکانی یەکتر بگرین و بڕواکانمان لە خۆمان بپرسین نەک لە دوژمنان. ئەگەر دەتانەوێت بزانن شیعە چ دەڵێت دەبێ لە شیعە بپرسن و شیعەش دەبێ بیرو بڕوای سوننەکان لەوان بپرسێت.

 ئەم مەرجەعە زیادی کرد: بە داخەوە لە کتێبەکانی زانایانی سوننەی عێراقدا نووسراوە؛ شیعە پاش نوێژ سێ جار دەڵێت، خان الامین واتا جبرەئیلی ئەمین خەیانەتی کرد و وەحی لە بری حەزرەتی عەلی بۆ پێغەمبەر بردووە کە ئەمە درۆیەکی زۆر گەورەیە.

 ئایەتوڵڵا مەکارم شیرازی وتی: ئەوەی کە ئێوە شۆرای فەتواتان هەیە. زۆر باشە و پەیوەندی ڕاستەوخۆی ئێوە لەگەڵ مامۆستایانی شیعە دەبێتە هۆی ئەوەی کە بەر بە ناکۆکیەکان بگیردرێت. دوژمن دەیەوێت بە دووبەرەکی نانەوە ئاسان تر حکوومەت بکات.

News Code 23195

نیشانەکان

بۆچوونی ئێوە

You are replying to: .
  • 3 + 0 =