بە ڕاپۆرتی ئاژانسی هەواڵی مێهر، وەزارەتی ئیتلاعەت بە دەرکردنی ڕاگەیێندراوێک لە دەستگیریی چەندین تیمی تیرۆریستی و ڕێکخراوەیی بۆ ئاژاوەنانەوە و بشێوییەکان کە دەستیان بووە لە کوشتنی هێزە ئەمنییەکان و خەڵکی مەدەنی، هەواڵی دا و ڕایگەیاند کە لەو پەیوەندییەدا دەست بەسەر ژمارێکی زۆری چەکی دەمانچەیی، ڤینچێستری و چەکی ڕاوی و ماددەی تەقەمەنی و دامودەزگای گرتەسازی بۆ کەناڵ و تۆڕە میدیاییە تیرۆریستییەکاندا گیراوە.
بە گوێرەی ڕاگەیاندنی وەزارەتی ئیتلاعات، زۆربەی ئەو کەسانەی دەستگیر کراون بە شێوەی نهێنی و بە سازدانی یانەی تیمی و بە فەرمانوەرگرتن و هاندران لە لایەن دەەزگای سیخۆڕییەکانی مووساد و ئەمریکاوە بۆ ئاژاوەنانەوە هان دراون و دەستی باڵایان بووە لە جەنایەتەکان و بشێوییەکاندا.
وەزارەتی ئیتلاعات ئاماژەی بەوەش داوە کە لە بشێوییەکانی خوڕەمئاوادا تیمێکی 5 کەسیی سەر بە کۆمەڵە وێڕای چەکێکی کلاشینکۆف و 250 گوللەی جەنگی دەستگیر کراون.
Your Comment