بە ڕاپۆرتی ئاژانسی هەواڵی مێهر بە گێڕانەوە لە بیبیسی، ناڕەزایەتییەکان بە کوژرانی ژنێک لە شارێکی گەورەی ئەمریکا لە لایەن هێزی فیدراڵی ئەمریکاوە، بە خێرایی لە مینیاپۆلیسەوە تەشەنەی سەندووە و شارەکانی نیۆیۆرک، شیکاگۆ، سیاتێل و چەند شاری تری ئەمریکای تێوەگلاندووە و تەنانەت سووتانی ئاڵای ئەمریکا لە ناوەندێکی کۆبوونەوەی ئەو وڵاتەی بەدواوە بوو.
لەو خۆپیشاندانانەدا بۆ ناڕەزایەتی دەربڕین بە توندئاژۆیی پۆلیس، ناڕازیان وێڕای ئیدانەکردنی هەڵسوکەتی هەڵاواردنی و توندوتیژیی زۆر، خوازیاری ڕوونکردنەوە لە توێژینەوەکان و دەستەبەرکردنی دادپەوەروەری بۆ قوربانیی ڕووداوەکە بوون.
شایانی باسە لەو ڕووداوەدا "ڕێنێ نیکۆڵ مەکلین گود"، دایکی ٣٧ ساڵە لە کاتی گەڕانەوەی بۆ ماڵ، لە ئۆتۆمبیلەکەی و بە بەرچاوی ئەندامانی خێزانەکەی کراوەتە ئامانجی پۆلیس. لە کاتێکدا وەزیری ئاسایشی ناوخۆی ئەمریکا، کرسیتی نۆئێم، ئەو ڕووداوەی بە هەڵمەتی تیرۆریستی لە دژی هێزەکانی ئیدارەی کۆچبەری و گومرۆک لە لایەن ئەو ژنەوە وەسف کرد و وتی: ڕێنێ نیکۆڵ هەوڵی وەبەردانی ئەو هێزانەی داوە. کەچی جەیکۆب فێری، شارەوانی مینیاپۆلیس ئەو گێڕانەوەیەی ڕەتکردۆتەوە و ڕایگەیاندووە کە ئەم باسانە لەگەڵ گرتەی ڤیدئۆیی ڕووداوەکە ناخوێنێتەوە.
Your Comment