بە پێی ڕاپۆرتی ئاژانسی هەواڵی مێهر، فەرماندەی سپای قودسی سوپای پاسداران جەختی لەوە کردەوە کە داواکاری ڕژێمی زایۆنیستی بۆ ئاگربەست نیشاندەری ناتوانی و شکستی ئەو ڕژیمەیە لە چەکداماڵینی حزبوڵا لە ئۆپەراسیۆنە سەربازییەکان بۆیە بەدوای چارەسەری سیاسیدا دەگەڕێت.
سەردار ئیسماعیل قائانی، فەرماندەی سپای قودسی سپای پاسدارانی لە بەرنامەیەکی تەلەفزیۆنی ئێراندا دەرکەوت و ڕایگەیاند کە کاتێک دەست پێکردنی ئۆپەراسیۆن لە غەززە ڕاگەیەندرا، ئیسماعیل هەنیە بە مەبەستی گەشتکردن بۆ عێراق بەرەو فڕۆکەخانە بوو و لە ڕاستیدا لە ڕێگای گەڕانەوەیدا ئاگادار کرابووەوە. ڕاشیگەیاند: ئەم ئۆپەراسیۆنە لەلایەن حیزبوڵڵای لوبنانەوە ئەنجامدراوە، لە ڕاستیدا وەک ئەرکێکی ئیلاهی و ئیسلامی و ئایینی و هاوتەریب لەگەڵ بەرگریکردن لە ستەملێکراوان، بە وریایی و حیکمەت و بڕیاری دروستی شەهید سەید حەسەن نەسروڵڵا.
قائانی زیادی کرد: حزبوڵا ڕۆڵێکی جیددی و کاریگەری هەبوو لە پاڵپشتیکردنی بەرخۆدانی فەلەستین و زنجیرەیەک ئۆپەراسیۆنی دژی دانیشتوانی باکووری ناوچە داگیرکراوەکان ئەنجامدا.
ناوبراو لە درێژەی قسەکانیدا وتی: خۆڕاگری و ئیمکاناتی فەرماندەکانی ئامادەبوو لە غەززە دەریخست کە ئەم ئۆپەراسیۆنە هەستیارە پێویستی بە وردبینی و پلانی تایبەتی هەیە. وەک ڕێبەری شۆڕش وتی "من نێوچاوانی ئەو کەسانە ماچ دەکەم کە ئەم کارە گەورەیەیان ئەنجامداوە" ئەم لێدوانە نیشانەی لە حیکمەت و گەورەیی ئەو کارەیە. لە کاتێکدا کەس ئاگاداری دەستپێکردنی ئۆپەراسیۆنەکە نەبووە، شەهید سەیید حەسەن نەسروڵڵا بە وردی و بە شێوەیەکی سیستماتیکی هەنگاوە پێویستەکانی خستەڕوو.
Your Comment