بە ڕاپۆرتی ئاژانسی هەواڵی مێهر، توماس باراک، نێردەی تایبەتی ئەمریکا بۆ کاروباری سووریا بڕایرە بەزوویی لەگەڵ مەزڵۆم کۆبانێ فەرماندەی گشتی هێزەکانی سووریا دیدار بکات. ئەو دیدارە لە چوارچێوەی هاوئاهەنگی ئەمنیەتی نێوان هەسەدە و هاوپەیمانی نێودەوڵەتی بە ڕێبەرایەتی ئەمریکا دژی داعش لە سووریا و عێراق ئەنجام دەبێت. وادیارە ئەو دیدارە لە ڕۆژانی داهاتوو و لە هەولێر بەڕێوە دەچێت و لەسەر چۆنیەتی جێبەجێ کردنی ڕێککەوتننامەی دەی مارس لە نێوان فەرماندەی هەسەدە و سەرۆکی کاتی سووریا گفتوگۆ دەکرێت.
سەرچاوە ئاگادارەکان ڕایانگەیاندووە کە بڕیارە لەسەر پرسی دیکە لەوانە درێژەی هاوکارییە ئەمنییەکانی نێوان هەسەدە و هاوپەیمانی نێودەوڵەتی دژی داعش و پێوەندی لەگەڵ تورکیاش گفتوگۆ بکرێت.
ئەو سەرچاوەگەلە راشیانگەیاندووە کە لەوانەیە باراک سەردانی بنکەکانی هاوپەیمانی نێودەوڵەتی لە کوردستانی سووریا لەوانە لە پارێزگاکانی حەسەکە و ڕەقە و حەلەب و دێرەزوور بکات.
Your Comment