بە ڕاپۆرتی ئاژانسی هەواڵی مێهر، سەعید خەتیب زادە جێگری وەزیری دەرەوەی ئێران لە گفتوگۆ لەگەڵ ئەلمەیادین ڕایگەیاند: تاران بەهێز و تۆکمە لە بەرانبەر دەستدرێژیەکەی ئیسرائیل وەستا و خۆڕاگری کرد. هەر دەستدرێژیەک بکرێتە سەر ئێران، ئێمە بە ئەوپەڕی توانەوە وەڵامی دەدەینەوە، هەر وەک وەڵامی هێرشەکەی ئەمریکاشمان دایەوە.
ناوبراو وتیشی: ئەوە ئەمریکا بوو کە چەندین جار پەیامی بۆ ڕاگرتنی شەڕ بۆ ئێمە نارد، واشنتۆن ئەبێ غەرامەی خەسارەکان لە دامەزراوە ئەتۆمییەکانی ئێران بدات و ئێمە لە ئەو بارەوە سکاڵامان لە لای نەتەوەیەکگرتووەکان کردووە.
خەتیب زادە ڕاشیگەیاند: ئێران ئاشکرایانە ڕایگەیاندووە کە ئەو دەستدرێژیانەی کە ڕووی داوە بنەمای دیپلۆماسی خەوشدار کردووە و ئێران ناچێتە دانوستانی لایەنێکەوە کە پیلانی بۆی هەیە. ئەوەی کە بە شەڕ بەدەست نەهات، بە دیپلۆماسیش بەدەست نایەت.
Your Comment