بە ڕاپۆرتی ئاژانسی هەواڵی مێهر، سەید عەباس عێراقچی لە کۆنگرەیەکی ڕۆژنامەوانیدا لە ئیستەنبوڵ ڕایگەیاند: ئێمە لەگەڵ وەزیران کۆبوونەوەی بنیاتنەرمان ئەنجامدا.
وتیشی: لەناکاو ڕووبەڕووی دەستدرێژیی هێزەکانی ئەمریکا بووینەوە بۆ سەر دامەزراوە ئەتۆمییەکانی ئێران.
ناوبراو لە درێژەی قسەکانیدا وتی: دەستدرێژی سەربازی ئەمریکا بۆ سەر دامەزراوە ئەتۆمییەکانی ئێران ئیدانە دەکەین و ئەمە دەستدرێژییەکی ڕوونە.
جەختیشی کرد: له هەر بارودۆخێکدا سازش له سەر سەروەری و سەربەخۆیی ئێران ناکەین و بەردەوام دەبین له بەرگری له خاک و سەروەرییەکانمان.
عێراقچی ڕایگەیاند: گرنگ ئەوەیە هێرش کراوەتە سەر دامەزراوە ئەتۆمییەکانی ئێران، ئەمەش پێشێلکردنی یاسا نێودەوڵەتییەکانە، گرینگ نییە ئاستی خەسارەکان چەند بووە.
وەزیری دەرەوەی ئێران لە درێژەی قسەکانیدا وتی: ئێران لەلایەن زلهێزێکی ئەتۆمی و ڕژێمێکی چەکداری چەکی ئەتۆمی هێرشی کراوەتە سەر، لە کاتێکدا خۆی خاوەنی هیچ چەکێکی ئەتۆمی نییە. ئەم کردەوە دەستدرێژییە دەبێت بێ دوو دڵی شەرمەزار بکرێت.
Your Comment