ڕێکخراوەی وزەی ئەتۆمی ئێران: ناوەندی سێهەمی پیتاندنی ئۆرانیۆم دەکەینەوە

بە ڕاپۆرتی ئاژانسی هەواڵی مێهر، بێهرووز کەمالوەندی، وتەبێژ و جێگری کاروباری نێودەوڵەتی، مافی و مەجلیسی ڕێخکراوی وزەی ئەتۆمی لە کاردانەوە بە بڕیارنامەی ئەمڕۆی ئاژانسی نێودەوڵەتی وزەی ئەتۆمی لە دژی دۆسیەی بەرنامەی ئەتۆمی بە ئاماژە بە ئەوەی کە ئەو ڕەوتە ڕووداوێکی دووپاتە لەلایەن وڵاتانی ڕۆژاوایی و ئەورووپیە، وتی: ئەمە یەکەم جار نییە کە بڕیارنامە لە دژی ئێمە دەردەکرێت.

ناوبراو زیادی کرد: ئەو جۆرە هەوڵانەیان چەندین جار ئەنجام داوە و ئێمەش هۆشداریمان داوە کە ئەو شێوەیە کە گرتوویانەتە پێش هەڵەیە و ناتوانێت ئەنجامێکی هەبێت. بەداخەوە ئەوان بەتەمان کە لە ڕێگای گوشاری جۆراوجۆرەوە لەوانە سیاسی، ئێران لە هەڵوێستەکانی خۆی پاشگەز بکەنەوە بەڵام ئێمە لە ئەو بارەوە پێش بینییەکانی خۆمان ئەنجام داوە.


جێگری ڕێکخراوی وزەی ئەتۆمی راشیگەیاند کە ئێمە دوو کاردانەوەمان هەمبەر ئەو بڕیارە دەبێت: یەکێک لە ئەو هەوڵانە ڕێکخستنی کۆگای سێهەمی پیتاندن لە شوێنێکی ئەمنە و ئەوی دیکە گۆڕینی مەکینە کۆنەکانی ناوەندی فۆردۆ لەگەڵ مەکینەی نوێ و پێشكەوتوو کە ئەوە خۆی بە واتای پیتاندنی ئۆرانیۆمی زیاتر دەبێت.