بە ڕاپۆرتی ئاژانسی هەواڵی مێهر، محەممەد ئەلدەلیمی ئەندامی هاوپەیمانی یەکگرتووی ئەنبار جەختی لەوە کردەوە کە نیشانەی بەهێز هەیە کە هێزەکانی ئەمریکا جموجۆڵێکی لەناکاویان لە بەغداوە بۆ هەولێر دەستپێکردووە.
ئاماژەی بەوەشکرد، هێزە ئەمریکییەکان گرێبەستی بەکرێ گرتنی باندی فڕۆکەخانە بۆ نیشتنەوەی نائاسایی لە ناو بارەگاکەیان لە بەغدا هەڵوەشاندووەتەوە بەبێ ئەوەی هیچ ڕوونکردنەوەیەک بدەن.
ئەلدەلیمی ڕایگەیاند کە ئەوان گرێبەستەکانی پەیوەست بە کڕینی بەرهەمە نەوتییەکانیشیان لە بنکەی عەین ئەسەد هەڵوەشاندووەتەوە.
ڕاشیگەیاند، ئەم ڕێوشوێنانە لە سەروبەندی هەڵبژاردنی پەرلەمانی عێراقدا ئەنجام دەدرێن و نیگەرانییەکانیان لە ئەگەری نائەمنی و بڵاوبوونەوەی بشێوی لە وڵاتدا چڕتر کردووەتەوە.
ئەلدەلیمی لە درێژەی قسەکانیدا وتی: پڕۆژەی نوێی ئەمریکی بریتییە لە گواستنەوەی هێزەکانی بەتەواوی بۆ هەرێمی کوردستانی عێراق و دابینکردنی بنکەی سەربازی بۆ حکومەتی ناوەندی لە بەغدا.
Your Comment