بە ڕاپۆرتی ئاژانسی هەواڵی مێهر، ئەمیر سەعید ئیرەوانی، باڵوێز و نوێنەری هەمیشەیی ئێران لە نەتەوەیەکگرتووەکان لە نامەیەکدا بۆ ئەنجومەنی ئاسایش ڕایگەیاند: پاگەندەکانی وەزیری دەرەوەی فەڕەنسا لەسەر ئەوەی کە ئێران لە سەروبەندی گەشەپێدان بە چەکی ئەتۆمیدایە، بەتواوەتی بێ بنەمایە و لە باری سیاسییەوە نابەرپرسیارانەیە و ئێران هەرگیز بەدوای بەدەست هێنانی چەکی ئەتۆمی نەبووە و بنەمای بەرنامەکەی خۆیی نەگۆڕیوە.
نوێنەری هەمیشەیی ئێران لە نەتەوەیەکگرتووەکان لە نامەیەکدا بۆ سەرۆکی کاتی ئەنجومەنی ئاسایش و هەروەها ئانتۆنیۆ گۆترێش، ئەمینداری گشتی نەتەوەیەکگرتووەکان زیادی کرد: ئەگەر فەڕەنسا و هاوبەشەکان بەڕاستی بەدوای ڕێگاچارەیەکی دیپلۆماتیکن، ئەبێ دەست لە هەڕەشە هەڵبگرن و ڕێز بۆ مافی سەروەری وڵاتەکان لەژێر ناوی مافی نێودەوڵەتی دابنێن.
ناوبراو لە نامەکەیدا درێژەی دەدات: ئەو جۆرە تۆمەتانە بەهۆی خراپ تێگەییشتنی بنەڕەتی یان بەلاڕێدا بردنی بە ئەنقەستی مافی یاسایی ئێران لەژێر ناوی مافی نێودەوڵەتییە. ئاوەها چاوەڕوانیگەلێکیش نیشاندەری شرۆڤەی دڵخوازانەی ڕاستییەکانە و نموونەیەک لە هەڵسوکەتی بەردەوامی دووفاقەیی وڵاتێکە کە وەکوو ئەندامی هەمیشەیی ئەنجومەنی ئاسایش، بەرپرسیارێتی تایبەتی لە ئەستۆیە.
بۆیە کۆماری ئیسلامی ئەو پاگەندەیە بەتواوەتی بێ بنەما و لەسەر بنەمای سیاسەتی نابەرپرسیارانە وەسف دەکات و ڕایدەگەیێنێت کە ئێران هەرگیز بەدوای دەستخستنی چەکی ئەتۆمییەوە نەبووە و بەرنامەی بەرگری خۆی نەگۆڕێوە و پابەندی بەڵێنەکانی خۆی لە ئەو بارەوەیە.
Your Comment