بە ڕاپۆرتی ئاژانسی هەواڵی مێهر لە ئەلمەعلوومە، عەدی عەبدولهادی یەکێک لە ڕێبەرانی هاوپەیمانی فەتحی عێراق جەختی کرد کە ناتوانرێت بە 19 گرووپی تیرۆریستی لە سووریا کە لە ئەلقاعیدەوە سەرچاوەیان گرتووە، متمانە بکرێت.
ناوبراو زیادی کرد: سەبارەت بە گۆڕانکارییەکانی سووریا ئەبێ ڕاستبین بین. 19 گرووپ لە شارە جیاجیاکانی ئەو وڵاتە چالاکن و کاروباریان بەدەستەوە گرتووە. ئەوان لە پێکهاتەی تیرۆریستی ئەلقاعیدە و لقی سەرەکی ئەو واتا بەرەی نوسرەوە پێک هاتوون.
عەبدولهادی وتیشی: کاتێک دەڵێین ئەو گرووپانە تیرۆریستین ئەبێ ئاماژە بە ئەو خاڵەش بکەین کە لە بواری نێودەوڵەتیش ئەوان لە لیستی تیرۆریستیدان. ناتوانرێت بە ئەو گرووپانە متمانە بکرێت چونکوو چییەتیان دەناسین.
ناوبراو وتی: عێراق ئەبێ سەرەنجی تایبەت بە تۆکمە کردنەوەی سنوورەکانی خۆی لەگەڵ سووریا بدات. گۆڕانکارییەکانی سووریا لە سێبەری بەدی هاتنی بەرنامەی وڵاتانی دەرەکی دەچێتە پێشەوە.
یەکێک لە ڕێبەرانی هاوپەیمانی فەتح نیسبەت بە چالاکی 19 گرووپی تیرۆریستی لە سووریا هۆشداریی دا.
News ID 53162
Your Comment