بە پێی ڕاپۆرتی ئاژانسی هەواڵی مێهر، یەکەم دیبەیتی کاندیدەکانی ١٤هەمین هەڵبژاردنی سەرۆکایەتی کۆمار لە ستۆدیۆی دیبەیتەکانی میدیای نیشتمانی بەڕێوەچوو. ئەم دیبەیتە کاتژمێر ٢٠:٠٠ دەستی پێکرد.
کاندیدەکان لەم دیبەیتەدا بەرنامە و پلانەکانیان دەخەنەڕوو و بەخەڵکی ئێرانی ڕادەگەینن.
هەر شەش کاندیدی ئامادەبوو لەم قۆناغەی هەڵبژاردندا، لە دیبەیتی ئابووریدا، سەرەتا وەڵامی پرسیاری پسپۆڕانیان دایەوە لەسەر بابەتی پلانی گەشەپێدانی حەوتەم، سنووردارکردنی هەڵاوسان و گەشەی بەرهەمهێنان.
لە قۆناغی دووەمدا شارەزایان پرسیاریان سەبارەت بە جەماوەریکردنی ئابووری و بە تایبەتکردنی کرد.
پوور محەمەدی لە ئەم دیبەیتەدا پێس هەموو شتێک وتی: بەشداری زۆر لە هەڵبژاردن دەبێتە هۆی هێزی نەتەوەیی. هەروەها وتیشی: خەڵک توان، وزە و داهێنانی زۆریان لە بواری ئابووری هەیە و دەبێ خەڵک لە ئەو بارەوە بەشدار بکرێن. ئەبێ بەرخۆدانی ئابووریمان هەبێت و لە ئاستی جیهانیدا ئەکتەر بین نەک یاریمان پێ بکرێت.
زاکانی وتی:لە لای خەڵک وەستاوین و گەندەڵیەکان لە ناودەبەین. هەروەهاو وتیشی کە ئەبێ لە جیاتی پارە بۆ یارانە ئەبێ زێڕ بدرێتە خەڵک کە هەڵاوسان تێیدا بەرچاو نەبێت.
سەعید جەلیلی وتی: ئەبێ نرخی دراو کۆنترۆڵ بکرێت کە کریگەری زۆر لەسەر ژیانی خەڵک هەبووە. دەوڵەت ئەبێ هەڵاوسان کۆنترۆڵ بکات و لە بواری کەرتی تایبەت بە باشترین شێوەی کردەوە بنوێێت.
پزیشکیان لەسەر گرێبەستی ئێران و چین هەستیار بوونی زۆی نیشان دا و وتی کە بەڕیز زاکانی وردەکارییەکانی ئەو گرێبەستە شی بکەنەوە و ئایا پارەی ئێران لە ئەو گرێبەستە لە بانکی ناوەندی ئێران لە چینە؟ هەروەها وتی ئەبێ هەوڵ بدرێت بۆ کەم کردنەوەی هەژاری و هەڵاوسان.
قاڵیباف وتی: ئەبێ ڕێگا بۆ بەشداری خەڵک لە بواری ئابووری خۆش بکرێت. وتیشی: لە ئێران خەڵک سالاری دینی هەیە و خەڵک پلە پلە بەرپرسان هەڵدەبژێرن.
قازی زادە هاشمی وتی: سەرەڕای هیرشی هەمەلایەنەی دوژمن ئێمە سەقامگیری سیاسی و ئابووری و دراویمان هەیە.
دیبەیتەکانی دیکە لە ٣١ی جۆزەردان و ١ و ٤ی پووشپەڕ لە کاتژمێر ٢٠:٠٠ تا ٢٤:٠٠ پەخش دەکرێن.
پێنجەمین دیبەیت ڕۆژی سێشەممە (٥ی پووشپەڕ) لە کاتژمێر ١٢:٣٠ تا ١٦:٠٠ پەخش دەکرێت.
ئەم ٥ دیبەیتە لە کەناڵەکانی یەکی دەنگ و ڕەنگ و سەلامات و جام جەم پەخش دەکرێن و کەناڵە ڕادیۆییەکانیش لە هەمان کاتدا ئەم دیبەیتانە پەخش دەکەن.
دیبەیتی کاندیدەکانی هەڵبژاردنی سەرۆک کۆماریش لە تۆڕی سەلامەتی سیما بۆ نەبیستەکان پەخش دەکرێت.
Your Comment