بە پێی ڕاپۆرتی ئاژانسی هەواڵی مێهر، وائل عەبدولـلەتیف، دادوەر و پەرلەمانتاری پێشووی عێراقی لە چاوپێکەوتنێکی تەلەفیزیۆنیدا ڕایگەیاند: چەند ساڵێک بەر لە ئێستا ئەو کوردانەی لە ئەڵمانیا و ئەمریکا نیشتەجێن، سکاڵایان لە ئەمریکا تۆمارکرد و کۆمەڵێک بەڵگەنامەیان خستەڕوو، کە باس لە زیندانیکردن و کوشتن لە هەرێمی کوردستان و کۆمەڵێک تۆمەتی دیکە دەکات.
بەوتەی ئەو دادوەرە، ئەمریکا بانگهێشتی مەسرور بارزانی بۆ ئەمریکا کردووە و پەیامی ئەوەی داوەتێ، ئەگەر بەردەوام بن لەو دۆخە، ئەوا هەرێمی کوردستان دەگەڕێننەوە بۆ کۆمەڵێک پارێزگا وەك چۆن لە ڕابردوودا هەبووە.
وائل عەبدولـلەتیف دەشڵێت: ئەو پلانەی ئەمریکا ئەگەرێکە و هۆکارەکەی دەگەڕێتەوە بۆ ئەو سکاڵایانەی لەسەر بەرپرسانی هەرێم لە ئەمریکا تۆمارکراوە.
Your Comment