بە ڕاپۆرتی ئاژانسی هەواڵی مێهر، حسێن ئەمیر عەبدوڵڵاهیان هاوپەیوەند بە گۆڕانکارییەکانی ئەم دواییە لە ئێران وتی: بەختەوەرانە پیلانێک کە بە ئامانجی شەڕی ناوخۆیی و دابەش کردنی ئێران داڕێژرابوو، شکستی هێنا.
ئەمیر عەبدوڵڵاهیان بە ئاماژە بە بوونی گرووپە جودایی خوازەکان لە سنوورەکانی ئێران و عێراق وتی: 76 ناوەندی تیرۆریستی لە هەرێمی کوردستان چالاکن و چەکی ئەمریکی و ئیسرائیلی هێنراوەتە ناو ئێران هەر بۆیە ئێران پێشنیاری داماڵینی چەکی گرووپە دژبەرەکان لە هەرێمی کوردستانی داوە.
وەزیری دەرەوەی ئێران لە وەڵام بە پرسیارێک سەبارەت بە دانوستانەکانی ئێران و ئۆکرایناش وتی: تا ئێستا هیچ جۆرە بەڵگەیەک لەلایەن ئۆکراینەوە لەسەر بەکارهێنانی درۆنی ئێرانی لە ئۆکراینامان وەرنەگرتووە. لەم دواییەدا گرووپێکی سیاسی و سەربازی ئێران و ئۆکراینا لە وڵاتێکی سێهەمدا گفتوگۆیان کرد و ئێمە لێکدانەوەکانمان لە ئەو بارەوە درێژە دەدەین.
ناوبراو وتیشی: وەزیری دەرەوەی ئۆکراین لە گفتوگۆیەکی تەلەفۆنی بە منی وت کە درۆنێکی ساغ کەوتووەتە دەستی هێزەکانی ئۆکراین کە ڕووسیاییە، بەڵام زۆر هاوشێوەی درۆنی شاهێد 136 ی ئێرانییە.
Your Comment