بە ڕاپۆرتی ئاژانسی هەواڵی مێهر، زۆر بوونی ژمارەی کوژراوانی سەربازانی تورکیا لە ئۆپراسیۆنی ئەم دواییە لە خاکی هەرێمی کوردستان بووە هۆی ئەوەی کە نەخۆشخانەیەک و ساردخانەیەکی کاتی لە ناوچەی نزیک سەر سنوور بکرێتەوە.
بە پێی ڕاپۆرتی مێزۆپۆتامیا ، بە تێبەڕینی زیاتر لە یەک هەفتە لە هێرشی سەربازی تورکیا بۆ سەر خاکی هەرێمی کوردستان، پێکدادان لە ناوچەی زێ، ئاڤاشین و متینادرێژەی هەیە. سەرچاوە خۆجەییەکان لە چێ کرانی نەخۆشخانەیەکی کاتی لە ناوچەی سنووری چوکورجا هەواڵیان دا. لە ئەو ڕاپۆرتەدا هاتووە کە ژمارەیەکی زۆر لە مامۆستایانی بواری تەندروستی و باشترین پزیشکەکان بۆ خزمەتگوزاری لە ئەو نەخۆشخانە کاتیە نێردراون.
بە پێی ڕاپۆرتەکان هەر ڕۆژە لانیکەم 10 بۆ 15 تەرمی هێزە سەربازییەکانی تورکیا بە کۆپتەر گواستراونەتەوە بۆ یوکسک ئۆوا.
Your Comment