کازمی داوا لە ئەمریکا دەکات هێزەکانی لە عێراق بکشێنێتەوە

سەرچاوەیەکی عێراقی ڕایگەیاند، سەرۆک وەزیرانی عێراق لە لایەن گرووپە سیاسییەکانی وڵاتەکەیەوە داوای لە واشنتۆن کردووە کە هێزەکانی لە عێراق بباتە دەرەوە.

بە ڕاپۆرتی ئاژانسی هەواڵی مێهر، بە پێی ڕاپۆرتی Prensa Latina مستەفا کازمی، سەرۆک وەزیرانی عێراق دوای هێرش بۆ سەر حەشدی شەعبی کە ڕای گشتی ئەوە بە پێشێل کرانی سەروەریی نەتەوەیی ئەو وڵاتە دەزانن، قبووڵی کردووە کە ئەو داواکارییە بگەیێنێتە ئەمریکا.

ئەو سەرچاوە زیادی کرد، هادی عامری، سەرۆکی هاوپەیمانی فەتح ئەو پەیامەی بۆ سەرۆک وەزیران ناردووە کە لەلایەن فراکسیۆنەکانی تریشەوە واژۆ کراوە.

کازمی کردەوەی نوێنەرانی پێنتاگۆنی خستە بەر ڕەخنەوە و هێرشەکان بۆ سەر حەشدی شەعبیی هەوڵێکی هەڵە وەسف کرد.

شیاوی باسە کە ژانڤیەی 2020 پەرلەمانی عێراق داواکاری چووونە دەرەوەی هێزە بیانییەکانی لە ئەو وڵاتە پەسەند کرد.

News Code 38016

نیشانەکان

بۆچوونی ئێوە

You are replying to: .
  • 2 + 2 =