پرسی ئەتۆمی تەوەری دانوستانەکانی خولی دووهەم

ئاژانسی هەواڵی مێهر، گرووپی سیاسەت: لە سەروبەندی بەڕێوەچوونی خولی دووهەمی دانوستانە ناڕاستەوخۆکانی ئێران و ئەمریکا، کەشی سیاسی و مێدیایی هاوپەیوەند بە ئەو گفتوگۆگەلە هەر بە هەستیاری، گومانەکانی و لە هەمان کاتدا ڕاستبینانە دەچێتە پێشەوە. تاران جەخت دەکاتەوە کە چوون بەرەو ئەو ڕەوتە نەک بەهۆی گەشبینی، بەڵکوو لەسەر بنەمای لێکدانەوەیەکی ورد، بە ئامانجی پاراستنی مافی ئەتۆمی و هەوڵ بۆ چارەسەری گەمارۆکان ئەنجام دراوە، ڕێگایەک کە بە وتەی بەرپرسانی ئێرانی، بەس لە چوارچێوەی پرسی ئەتۆمی پێناسە کراوە و هیچ بابەتێکی دیکە ناگرێتەوە.

گەڕانەوەی ئێران بۆ ڕێگای دیپلۆماسی، دوابەدوای دانوستانی چڕی چەند وڵاتی ناوچەکە لەگەڵ سەرۆک کۆمار ئەنجام دراوە. ئەو وڵاتانە بە جەخت لەسەر زەروورەتی بەڕێوەبەرایەتی کێشەکان لە ڕێگای گفتوگۆوە، نیسبەت بە لێکەوتەکانی پەرەسەندنی ئاڵۆزی هۆشداریی داوە و لەسەر ڕۆڵ ڕۆڵگێڕانی چالاکی دیپلۆماسی بۆ پاراستنی سەقامگیری ناوچەیی جەختیان کرد.

هێڵە سوورە بەرچاوەکان؛ دانوستانی بەس ئەتۆمی

بە پێی ئەوەی کە سەرچاوە ئاگادارەکان ڕایدەگەیێنن، ئێران تەنیا دوای وەرگرتنی ئەو پەیامە لەلایەن ئەمریکاوە کە دانوستانەکان بەس لەسەر پرسی ئەتۆمی دەبێت، چووەتە نێو ڕەوتی نوێیەوە. تاران دوو مەرجی تایبەتی بۆ بەشداری لە گفتوگۆکان دیاری کردووە: قبووڵی بنەمای پیتاندن و بەس باس لەسەر بابەتی ئەتۆمی.

بەرپرسانی کۆماری ئیسلامی ڕوونیان کردووەتەوە کە هێنانە ئارای پرسی ناوچەیی و مووشەکی لە ئەو چوارچێوەدا، بە واتای چوونە دەرەوە لە ڕێککەوتنی سەرەتایی و ڕاگرتنی ڕەوتی دیپلۆماسی دەبێت. لە ڕوانگەی تارانەوە، ئامانجی دانوستانەکان ڕوونە: پاراستنی مافی ئەتۆمی لە پاڵ چارەسەری گەمارۆ ستەمکارانەکان و دەستخستنی دەستکەوتێک بۆ وڵات.

بێ متمانەیی گشتی؛ پرسێکی دیاریکەر

یەکێک لە بابەتە گرینگەکان لە هاوکێشە نوێیەکان، ئاستی باڵای بێ متمانەیی ڕای گشتی ئێران بە ئەمریکایە. بە پێی ئەنجامی ڕاپرسیەکان لە ماوەی مانگی خەرمانان هەتا ڕەزبەری ١٤٠٤، نزیک بە ٧٥ هەتا ٨٠ لەسەدی وەڵامدەرە ئێرانیەکان، ئەمریکایان لایەنێکی متمانە پێنەکراو وەسف کردووە و تەنیا بەشێکی کەم لەسەر دانوستانی ڕاستەوخۆ لەگەڵ واشنتۆن بوون.

واشنتۆن؛ هەڵسوکەوتی دووفاقەیی و ئەزموونی جیدی

بەرپرسانی ئێرانی هەڵسوکەوت و قسەی دووفاقەیی بەرپرسانی ئەمریکا بە یەکێک لە لەمپەرە سەرەکیەکانی پێکهاتنی ڕەوتێکی سەقامگیر دەزانن. ئێران ئێستاش دانوستانەکان وەکوو ئامێری سەرەکی بۆ بەڕێوەبەرایەتی ئاڵۆزیەکان و بەرەوپێش بردنی بەرژەوەندی نەتەوەیی دەبینێت ، بەڵام لە هەمان کاتیشدا هەندێک لایەنی شەڕخواز لە ئەمریکا و نزیک لە ئیسرائیل دەیانەوێت کێشە لە ڕەوتی گفتوگۆکان دروست بکات.