بۆچوونی بەرپرسێکی ئەمریکا لەسەر دانوستانکارە سەرسووڕهێنەرەکەی ئێران

بە ڕاپۆرتی ئاژانسی هەواڵی مێهر، وێندی شێرمەن جێگری کاروباری سیاسیی وەزیری دەرەوەی پێشووی ئەمریکا، لە لێدوانێک بۆ کەناڵی سی‌ئێن‌ئێن، وتی: عێراقچی دانوستانکارێکی زۆر تۆکمە و پێداگر و لێهاتوو و زاڵ بەسەر هەموو وردەکارییەکانی دۆسیەی ئەتۆمییە. ئەو پەسندی ڕێبەری ئێرانە و ڕکابەرێکی زۆر شلگێرە. کەواتە دانوستانەکان زۆر دژوار دەبێت.
ناوبراو وێڕای ئاماژە بە گوشاری هاوکاتی ئەمریکا و پاراستنی بژێرەی سەربازیی، وتیشی: ئەگەرچی بڕیاری کۆتایی بە ترامپە، بەڵام ناکۆکیی سەرەکی لەسەر مافی پیتاندن، چاودێریی ڕژد و پلانی مووشەکیی ئێرانە و لەمناوە ئەگەری ئەوەی هەیە کە هەر ڕێککەوتنێک بەرەوڕووی گوشاری ئیسرائیل و کۆنگریسیی ئەمریکا ببێتەوە و قبووڵ‌کردنی یەکلاکراوە نییە.
شێرمەن جەختی لەوەش کرد: دانوستانەکان کاتبەرن و ڕوون نییە کە ترامپ دەیەوێ چەند کاتی بۆ دابنێت. بەوەشەوە لە ئەگەری هەڵگیرسانی شەڕ یان ناسەقامگیریی ئێران، ئەگەری بەهیزتربوونی زیاتری سپا و دژوارتربوونی هەلومەرجەکە هەیە.